پی سی بی کا نیوزی لینڈ کرکٹ سے رابطہ، قومی سکواڈ کی مشکلات میں ہوئی کمی
باغی ٹی وی کی رپورٹ کے مطابق پی سی بی اور نیوزی لینڈ کرکٹ میں رابطہ ہوا ہے
دونوں بورڈز میں رابطے کے بعد نیوزی لینڈ میں موجود قومی اسکواڈ کی آئسولیشن میں نرمی کردی گئی ،نیوزی لینڈ میں موجود قومی اسکواڈ کو دوبارہ چہل قدمی کی اجازت مل گئی ، جن اسکواڈ ممبرز کے مسلسل دو ٹیسٹ منفی آچکے انہیں چہل قدمی کی اجازت ملی ،اسپورٹ اسٹاف اور کھلاڑی اپنے اپنے گروپ کے لیے مقررہ مخصوص اوقات میں چہل قدمی کرسکتے ہیں
قومی اسکواڈ کے اراکین ہوٹل سے متصل گراؤنڈ میں چہل قدمی کریں گے ،اسکواڈ ممبرز کو بالکونیز میں جانے کی بھی اجازت مل گئی ،اسکواڈ ممبرز بالکونیز سے آپس میں گفتگو بھی کرسکتے ہیں ،پی سی بی نے کرکٹ نیوزی لینڈ سے قومی کھلاڑیوں کی ٹریننگ جلد کھولنے کی بھی درخواست کی، نیوزی لینڈ کی وزارت صحت کی جانب سے پہلے ٹیسٹ میں مثبت رپورٹ ہونے والے ممبرز کے دوسرے ٹیسٹ کی رپورٹ کا انتظار ہے ،قومی اسکواڈ کا اب اگلا کورونا ٹیسٹ 30 نومبر کو ہوگا
نیوزی لینڈ میں قومی ا سکواڈ کے ایک اور رکن کا کورونا ٹیسٹ مثبت آگیا ,نیوزی لینڈ اتھارٹی کے مطابق متاثرہ رکن کو انٹرویو کے بعد قرنطینہ کردیا گیا، پاکستان ٹیم کے کورونا ٹیسٹ پازیٹو آنے والوں کی تعداد سات ہوگئی ہے جبکہ پہلی کوویڈ 19 ٹیسٹنگ میں مثبت آنے والے کھلاڑیوں کے رزلٹ کی رپورٹ ابھی نہیں آئی۔
پاکستان اے اور نیوزی کے درمیان پہلا فور ڈے ٹور میچ 10 دسمبر کو کھیلا جائے گا جب کہ دوسرا فور ڈے ٹور میچ 17 دسمبر کو ہوگا۔ پاکستان اور نیوزی لینڈ کے درمیان 3 ٹی ٹوینٹی اور 2 ٹیسٹ میچز کھیلے جائیں گے۔پہلا ٹی ٹوینٹی میچ 18 دسمبر کو کھیلا جائے گا۔ دوسرا 20 اور آخری ٹی ٹوینٹی میچ 22 دسمبر کو ہوگا۔ پاکستان اور نیوزی لینڈ کے درمیان پہلا ٹیسٹ میچ 26 دسمبر کو کھیلا جائے گا، جب کہ دوسرا ٹیسٹ میچ 3 جنوری کو ہوگا
