پیر عادل: پولیو مہم کی کامیابی کے لیے آگاہی سیمینار کا انعقاد کیا گیا
![](https://baaghitv.com/wp-content/uploads/2024/08/pir-adil.jpg)
پیر عادل (باغی ٹی وی،نامہ نگار باسط علی) بنیادی مرکز صحت میں آج پولیو آگاہی سیمینار کا انعقاد کیا گیا۔ اس سیمینار میں پیر عادل میں کام کرنے والے تمام ہیلتھ ممبران نے شرکت کی۔
یو سی ایم او ڈاکٹر ملک اعجاز نے سیمینار کی صدارت کی اور پولیو مہم کی کامیابی کے لیے ہیلتھ ممبران کے تعاون کی اہمیت پر زور دیا۔ سیمینار میں موجودہ پولیو کی صورتحال پر تفصیلی گفتگو کی گئی اور ہیلتھ ممبران سے اپیل کی گئی کہ وہ پولیو کے خاتمے کے لیے 9 ستمبر سے شروع ہونے والی پولیو مہم کو کامیاب بنانے میں اپنا کردار ادا کریں۔
تمام ہیلتھ ممبران نے عہد کیا کہ وہ پولیو مہم کے پیغام کی ترسیل میں تعاون کریں گے اور علاقائی سطح پر آگاہی سرگرمیوں میں حصہ لیں گے۔ آخر میں، یو سی ایم او ڈاکٹر ملک اعجاز نے علاقے کی خدمت کرنے پر تمام ممبران کا شکریہ ادا کیا۔