پیر محل: کم جہیز کیوں لائی،بہو پربہیمانہ تشدد، ہسپتال میں داخل

پیر محل(باغی ٹی وی رپورٹ) کم جہیز کیوں لائی،بہو پربہیمانہ تشدد، ہسپتال میں داخل

تفصیل کے مطابق پیر محل کے ایک گاؤں میں دل دہلا دینے والا واقعہ پیش آیا ہے جہاں ایک شادی شدہ خاتون کو جہیز نہ لانے پر اس کے شوہر اور سسرال والوں نے تشدد کا نشانہ بنایا ہے۔ متاثرہ خاتون20 سالہ آمنہ شفیق کو شدید زخمی حالت میں ہسپتال منتقل کیا گیا ہے۔

آمنہ شفیق نے بتایا ہے کہ اس کے شوہر اسد اور سسرال والوں نے اسے کمرے میں بند کرکے تشدد کیا اور اسے شدید مارا پیٹا۔ اس نے مزید بتایا کہ شادی کے وقت جہیز نہ لانے کی وجہ سے اسے بار بار تشدد کا سامنا کرنا پڑتا رہا ہے۔

مقامی پولیس نے واقعے کی اطلاع ملنے پر فوری کارروائی کرتے ہوئے مقدمہ درج کر لیا ہے اور ملزمان کی گرفتاری کے لیے چھاپے مارے جا رہے ہیں۔ متاثرہ خاتون کو عدالتی کارروائی کے لیے پیش کیا جائے گا۔