لاہور: پنجاب کی سینیئر صوبائی وزیر مریم اورنگزیب نے کہا ہے کہ اسموگ کے خاتمے کے لیے پہلی دفعہ شارٹ ٹرم، میڈیم ٹرم اور لانگ ٹرم پالیسی بنائی ہے-
باغی ٹی وی: اپنے بیان میں سینیئر صوبائی وزیر نے کہا کہ پنجاب حکومت نے اسموگ کے خاتمے اور ماحولیاتی بہتری کیلئے پنجاب کی تاریخ کی پہلی دس سالہ جامع پالیسی بنائی ہے، ہر سیکٹر کو اہداف دیئے ہیں اور وزیراعلی خود کارکردگی کی مانیٹرنگ کر رہی ہیں، پہلی دفعہ ملک میں vehicle certification regime متعارف کروائی گئی ہے اور اسموگ کے خاتمے کے لیے پنجاب کی انوائرنمنٹ پرو ٹیکشن ایجنسی کو جدید ٹیکنالوجی سے آراستہ کیا گیا ہے۔
مریم اورنگزیب نے کہا کہ پہلی دفعہ پنجاب میں پٹرول اسٹیشنز پر پٹرول کی کوالٹی کی چیکنگ ہو رہی ہے، پہلی دفعہ قوانین میں تبدیلی کر کے اسموگ کے خاتمے کے لیے کام کر رہے ہیں عدالت کا شکریہ کہ سابق حکومتوں کے مقابلے میں مریم نواز شریف حکومت کے اچھے کاموں کا اعتراف کیا،ایک ہزار سپر سیڈرز تقسیم کر دیئے، کل پانچ ہزار سپر سیڈرز تقسیم کرکے مونجی اور فصلوں کی باقیات جلانے کا مکمل خاتمہ ہوگا۔
اسلامی تاریخ کی اہم ترین جنگ قادسیہ کا درست مقام تلاش
مریم اورنگزیب نے کہا کہ ہمیں بھی دنیا بھر کی طرح سورج کی روشنی میں کاروبار کرنے کی عادت اپنانا ہوگی، اگر ہم سب اسموگ کا خاتمہ چاہتے ہیں تو اپنے رویے اور عادتیں بدلنا ہوں گی ورنہ خاتمہ نہیں بلکہ مزید اضافہ ہو گا، حکومت کا فیل اور پاس ہونے کا معاملہ نہیں ہے، یہ بحثیت قوم فیل یا پاس ہونے کا مسئلہ ہے۔
جنوبی کوریا کے معروف اداکار نے خود کشی کر لی
