پہلی مرتبہ اقتدار میں آنے والوں نے کوئی ذاتی فیکٹریاں نہیں لگائیں،عبدالعلیم خان
باغی ٹی وی کی رپورٹ کے مطابق سینئر وزیر پنجاب عبدالعلیم خان نے پی ٹی آئی کی حکومت کے2سال مکمل ہونے پر اظہار خیال کرتے ہوئے کہا کہ کرپشن میں واضح کمی اور ملک میں تبدیلی کا عمل اوپر سے شروع ہو چکا ہے.
عبدالعلیم خان کا کہنا تھا کہ پہلی مرتبہ اقتدار میں آنے والوں نے کوئی ذاتی فیکٹریاں نہیں لگائیں ، قومی خزانے سے اپنوں کو نہیں نوازا گیا اور نہ ہی شاہی خاندان تشکیل دیا گیا ہے ، وزیر اعظم نے کیمپ آفس نہ بنا کر ملک کے کروڑوں روپے بچائے ہیں ، عمران خان نے نجی غیر ملکی دوروں پر سرکاری پیسہ خرچ نہیں کیا
عبدالعلیم خان کا مزید کہنا تھا کہ عمران خان نے اپنے اور خاندان کے تحفظ کیلئے پولیس کی بھاری سکیورٹی نہیں لی گئی ، منی لانڈرنگ اور بیرون ملک جائیداد بنانے کا سلسلہ بند ہو گیا ، گزشتہ2برسوں میں مشکلات کے باوجود ملک آگے کی طرف بڑھا ، ٹیکس دینے والوں کا پیسہ ہڑپ کرنے کی بجائے ملکی تعمیر و ترقی پر خرچ ہوا ، پی ٹی آئی حکومت کے2سال نئے پاکستان کی بنیاد رکھ چکے ہیں
عبدالعلیم خان کا مزید کہنا تھا کہ کورونا کی عالمی وبا کا پاکستان میں بہتر انداز میں سامنا کیا گیاہے ،کورڈ 19کیلئے وزیر اعظم کی حکمت عملی وقت نے درست ثابت کر دی ، وزیر اعظم ہاؤس سمیت حکومتی دفاتر کے اخراجات نمایاں طور پر کم ہوئے ، 2برسوں میں ملک میں اقربا پروری اور خاندانی سیاست کو فروغ نہیں ملا ، عمران خان کی قیادت میں آئندہ3برس میں پارٹی منشور کو عملی جامہ پہنائیں گے
