لاہور ہائیکورٹ میں عدالتی حکم کے باوجود چیئرمین تحریک انصاف عمران خان کی تقاریر پر پابندی کا معاملہ،عدالت نے چیئرمین پیمرا کو جواب جمع کرانے کےلئے مہلت دے دی
لاہور ہائیکورٹ کے جسٹس شمس محمود مرزا نے سماعت کی، وکیل عمران خان نے عدالت میں کہا کہ قانونی طور پر سیاسی جماعتوں کو برابری کے اصول پر ائیر ٹائم ملنا قانونی تقاضا ہے۔لاہور ہاٸی کورٹ نے عمران خان کی تقاریر نشر کرنے پر پابندی کا نوٹیفیکشن معطل کر دیا تھا ،عدالت نے پیمرا کو ہدایت کی کہ عمران خان کی تقاریر نشر کرنے پر کوئی پابندی نہ لگائی جائے عدالتی احکامات کے باوجود عمران خان کی تقاریر نشر کیے جانے سے روکا جا رہا ہے۔عدالتی حکم کی خلاف ورزی توہین عدالت ہے ، عدالت زمہ دار افسران کے خلاف توہین عدالت کی کارروائی کرے ،
واضح رہے کہ عمران خان کے اداروں کیخلاف بیانات کی وجہ سے پیمرا نے عمران خان کی تقریر نشر کرنے پر پابندی عائد کی تھی ۔ عمران خان نے پابندی کے اس اقدام کو لاہور ہائیکورٹ میں چیلنج کیا تھا۔
Leave a reply
