خیبر پختونخواہ میں لیڈی ہیلتھ ورکرز کا طویل، پرامن اور منظم احتجاجی دھرنا بالآخر کامیابی سے ہمکنار ہو گیا۔ حکومت نے سروس اسٹرکچر سمیت لیڈی ہیلتھ ورکرز کے تمام دیرینہ مطالبات تسلیم کر لیے ہیں۔دھرنے کے دوران درج کی گئی تمام ایف آئی آرز ختم کر دی گئی ہیں، بند کی گئی گاڑیاں ریلیز کر دی گئی ہیں اور جن مظاہرین سے موبائل فون ضبط کیے گئے تھے، وہ بھی واپس کر دیے گئے ہیں۔
دھرنے کی کامیابی کے لیے شاہین ہیلتھ ورکرز کی صدر اختر بی بی، جنرل سیکرٹری عشرت ملک نے مسلسل جدوجہد اور کاوشیں کی۔لیڈی ہیلتھ ورکرز نے بھی اپنے حقوق کے لیے پرامن طریقے سے آواز بلند کی اور بالآخر کامیابی حاصل کی۔ دھرنے کی اس تاریخی کامیابی پر پاکستان ملی لیبر فیڈریشن خیبر پختونخواہ کے چیئرمین وزیرزادہ اور صدر اختر خٹک نے شاہین یونین کی قیادت، تمام لیڈی ہیلتھ ورکرز اور دھرنے میں شریک تمام طبقات کو دلی مبارکباد پیش کی ہے۔انہوں نے کہا کہ میں مرکزی صدر میاں غلام مصطفی اور جنرل سیکرٹری رانا جبران کا خصوصی شکریہ ادا کرتا ہوں جنہوں نے دھرنے کے ہر مرحلے میں بھرپور ساتھ دیا۔ انہی کی قیادت اور تعاون سے دھرنا خوش اسلوبی سے اور بغیر کسی ناخوشگوار واقعے کے اختتام پذیر ہوا۔انہوں نے کہا کہ جب بھی محنت کش طبقے پر مشکل وقت آیا، پاکستان ملی لیبر فیڈریشن ہمیشہ ان کے شانہ بشانہ کھڑی رہی ہے اور آئندہ بھی ہر سطح پر مزدوروں کے حقوق کے لیے جدوجہد جاری رکھے گی۔انہوں نے دھرنے کی کامیابی میں تعاون کرنے والے تمام رہنماو¿ں اور شخصیات کا خصوصی شکریہ ادا کیا۔
