چارسدہ اور پشاور میں بجلی اور گیس کی شدید لوڈ شیڈنگ سے عوام پریشان

ضلع پشاور اور چارسدہ میں بجلی اور گیس کی لوڈشیڈنگ نےبدترین شکل اختیار کرلی،گرمی کی شدت بڑھنے سے بجلی کی لوڈشیڈنگ بھی بڑھنے لگی ، جسکی وجہ سے شہری شدید پریشان ہے،شہریوں کے مطابق ضلع چارسدہ اور شبقدر میں بھی غیر اعلانیہ لوڈ شیڈنگ کا سلسلہ جاری ہے،گھنٹوں بجلی غائب رہتی ہے جسکی وجہ سے عوام گرمی سے پریشان تو دوسری جانب مسجدوں گھروں اور عوامی مقامات میں پانی کی شدید قلت ہے ،
شہریوں کے مطابق بجلی کے بلز دینے والے علاقوں میں بھی لوڈشیڈنگ میں اضافہ ہونے لگا ، دیہاتی علاقوں میں صارفین بجلی کے لئے ترسنے لگے ، شہریوں کی زندگی اجیرن کر دی گئی ہے، دوسری جانب گیس کی بدترین لوڈشیڈنگ سے تندور اور چائے کے ہوٹلوں میں فان گیس کا استعمال کیا جا رہا ہے،اور شدید لوڈ شیڈنگ کی وجہ سے عوامایل پی جی مہنگی ہونے کے باوجود استعمال کرنے پر مجبور ہے،