پشاور کی تحصیل حسن خیل میں جمعرات کی شب گیس پائپ لائن میں زور دار دھماکا ہوا، جس کے بعد پائپ لائن میں شدید آگ بھڑک اٹھی۔
سی سی پی او پشاور ڈاکٹر میاں سعید کے مطابق متاثرہ لائن 24 انچ قطر کی تھی، جو علاقے میں گیس کی ترسیل کا اہم ذریعہ ہے۔انہوں نے بتایا کہ دھماکے کی نوعیت اور وجوہات جاننے کے لیے پولیس اور متعلقہ اداروں کی مشترکہ ٹیمیں موقع پر موجود ہیں، جبکہ شواہد اکٹھے کیے جا رہے ہیں۔ اس دوران شہریوں کو متاثرہ مقام کے قریب نہ جانے اور محفوظ فاصلے پر رہنے کی ہدایت جاری کی گئی ہے۔
سی سی پی او کے مطابق سوئی گیس حکام کو فوری طور پر سپلائی بند کرنے کی ہدایت دے دی گئی ہے تاکہ آگ کے پھیلاؤ اور کسی ممکنہ جانی یا مالی نقصان سے بچا جا سکے۔ ریسکیو سروسز، فائر بریگیڈ اور پولیس نے علاقے کو گھیرے میں لے کر ایمرجنسی اقدامات شروع کر دیے ہیں۔ابتدائی اطلاعات میں کسی جانی نقصان کی تصدیق نہیں ہوئی، جبکہ حکام کا کہنا ہے کہ حالات قابو میں آنے تک علاقے میں نگرانی جاری رہے گی
جے یو آئی (ف) رہنما فرخ کھوکھر غیر قانونی اسلحہ رکھنے پر گرفتار
بھارتی ہراسانی سے تنگ کشمیری شہری کی خودسوزی، خاندان انصاف کا متقاضی
اگلے احتجاج میں اجتماعی دم و استخارہ ہوگا، شیر افضل مروت کا انکشاف
