پشاورہائیکورٹ، پی ٹی آئی رہنماؤں شبلی فراز، روف حسن، زرتاج گل، نادیہ خٹک، خدیجہ شاہ داور کنڈی کی راہداری ضمانت درخواستوں کی سماعت ہوئی
پشاور ہائیکورٹ نے شبلی فراز، روف حسن، زرتاج گل، خدیجہ شاہ کو راہدرای ضمانت دے دی، عدالت نے درخواست گزاروں کو متعلقہ عدالتوں میں پیش ہونے کی ہدایت کر دی،پشاور ہائیکورٹ نے شبلی فراز، زرتاج گل، روف حسن، خدیجہ شاہ، نادیہ خٹک، داور کنڈی کی 27 دسمبر تک راہداری ضمانت منظور کر لی، راہداری ضمانت کی درخواستوں کی سماعت جسٹس شکیل احمد نے کی،عدالت نے تمام درخواست گزاروں کو متعلقہ عدالتوں میں پیش ہونے کا حکم بھی دیا،جسٹس شکیل احمد نے دوران سماعت ریمارکس دیتے ہوئے کہا کہ اسٹیٹ کا خیال رکھنا چاہیے، نقصان ملک کا ہو رہا ہے، عدالت نے تمام درخواست گزاروں کو 27 دسمبر تک راہداری ضمانت دے دی
پشاور ہائیکورٹ پیشی کے موقع پر میڈیا سے بات کرتے ہوئے شبلی فراز کا کہنا تھا کہہمارے پارٹی کے لیڈرز اور کارکن پشاور ہائیکورٹ انصاف کیلئے آئے ہیں، خوش قسمتی سے ہمیں یہاں سے انصاف مل جاتا ہے،ہمارے لیڈر نے ہمیں پر تشدد واقعات میں ملوث ہونے کا نہیں کہا،ہمارے کارکن پرامن جہدوجہد کررہے تھے،ہمارے کارکنوں پر سنگین دفعات کے تحت پانچ پانچ پرچے درج کیے گئے، ملک کو چلانے کا یہ کوئی طریقہ نہیں، جوڈیشل انکوائری ہونی چاہیے تاکہ ذمے داروں کو سزا مل سکے، اگلے لائحہ عمل کا اعلان عمران خان ہی کریں گے، مشہور سیاسی جماعت کے ساتھ برا سلوک کیا جا رہا ہے، ہمارے رہنماؤں اور کارکنوں کے خلاف سنگین دفعات کے تحت مقدمات درج کیے گئے، ایسے سلوک کے مثبت نتائج برآمد نہیں ہوں گے، ہمارا قصور یہ تھا کہ ہم کے پی سے تھے، ایسے رویے سے فائدہ ان کا ہوتا ہے جو ملک کی بھلائی نہیں چاہتے، ملک کے لیے سیاسی استحکام چاہیے، سیاسی استحکام کے لیے زیادہ کوشش حکومت کو کرنی چاہیے۔
