پشاور میں دھماکا، دو پولیس اہلکاروں سمیت چار زخمی

خیبر پختونخوا کے صوبائی دارالحکومت پشاور میں دھماکا ہوا ہےجس کے نتیجے میں 2 پولیس اہلکاروں سمیت چار افراد زخمی ہو گئے ہیں

دھماکا ورسک روڈ پر پیر بالا کے مقام پر ہوا،زخمیوں کو طبی امداد کے لیے ہسپتال منتقل کر دیا گیا ہے، پولیس حکام کے مطابق بارودی مواد سیمنٹ کے بلاک میں‌نصب تھا، پولیس گاڑی گزری تو دھماکا ہو گیا،پولیس اور قانون نافذ کرنے والے اہلکاروں نے دھماکے کے فوری بعد متاثرہ علاقے کو اپنے گھیرے میں لے لیا ہے،ریسکیو 1122 کے مطابق دھماکے کے 4 زخمیوں کو طبی امداد کے لیے اسپتال منتقل کیا گیا ہے، پولیس نے علاقے میں سرچ آپریشن شروع کر دیا ہے.