پشاور میں سیکورٹی فورسز کا آپریشن،دہشتگردوں کا سرغنہ جہنم واصل

دہشت گردوں کیخلاف پاک فوج کا آپریشن جاری ہے،سیکورٹی فورسز نے خیبر پختونخواہ کے صوبائی دارالحکومت پشاور میں کاروائی کرتے ہوئے دہشت گرد سرغنہ کو ساتھی سمیت جہنم واصل کر دیا

ڈی جی آئی ایس پی آر کے مطابق سکیورٹی فورسز نے 30 اور 31 مئی کی رات پشاور کے علاقے حسن خیل میں انٹیلی جنس بنیادوں پر آپریشن کیا،جس کے دوران دہشتگردوں کا سرغنہ ایاز عرف محمد اور دہشتگرد احمدی عرف کوچی جہنم واصل ہو گئے جبکہ سیکورٹی فورسز کی فائرنگ سے دو دہشتگرد زخمی بھی ہوئے ہیں، ہلاک دہشتگردوں سے اسلحہ، گولہ بارود اور دھماکا خیز مواد بھی برآمد ہوا، ہلاک دہشتگرد سکیورٹی فورسز کے خلاف متعدد دہشتگرد کارروائیوں اور معصوم شہریوں کے قتل میں بھی ملوث تھے۔

ڈی جی آئی ایس پی آر کے مطابق علاقے میں پائے جانے والے کسی دوسرے دہشتگرد کے خاتمے کے لیے کلیئرنس آپریشن جاری ہے، مسلح افواج ملک سے دہشتگردی کے خاتمے کے لیے پرعزم ہیں،