پشاور سے شوکت خانم ہسپتال کا ڈاکٹر اغوا

شوکت خانم ہسپتال کے ڈاکٹر محمد یوسف پشاور سے اغواء کر لئے گئے

مغوی ڈاکٹر اپنی گاڑی میں ڈیوٹی کےلیےصبح گھر سے نکلا، 15 منٹ بعد اطلاع ملی کہ ڈاکٹر یوسف کی گاڑی روڈ پر اسٹارٹ کھڑی ہے، والد کی مدعیت میں مقدمہ درج کر لیا گیا،پولیس حکام کے مطابق خیبر پختونخوا کے صوبائی دارالحکومت پشاور کے نواحی علاقے سربند اچینی روڈ سے شوکت خانم ہسپتال کے ڈاکٹر کو نامعلوم افراد نے مبینہ طور پر اغوا کرلیا،ڈاکٹر محمد یوسف صبح اپنی گاڑی میں ڈیوٹی کے لیے گھر سے نکلے تھے کہ 15 منٹ بعد اس کے والد کو کسی نے کال کی کہ آپ کے بیٹے کی گاڑی روڈ پر اسٹارٹ کھڑی ہے،ڈاکٹر کے والد کی مدعیت میں مقدمہ درج کیا گیا ہے،درج مقدمے کے مطابق موقع پر پہنچ کر گاڑی اور بیٹے کا موبائل فون ملا،پولیس نے ڈاکٹر محمد یوسف کی بازیابی کے لئے کوششیں شروع کر دی ہیں

پشاور میں دن دہاڑے ڈاکٹر کا اغوا امن و امان کی انتہائی مخدوش صورتحال کی عکاسی کرتی ہے، خٰیبر پختونخوا میں بدامنی بڑھ چکی ہے، حکومت صرف عمران خان کی رہائی کی طرف توجہ کر رہی ہے، جرائم کے خاتمے کے لئے صوبائی حکومت کی کوئی پالیسی نظر نہیں آ رہی