پیٹرول کی قیمت میں اضافہ

اسلام آباد: نگراں حکومت نے پیٹرول کی قیمت میں4 روپے کا اضافہ کردیا۔

باغی ٹی وی: فنانس ڈویژن کی جانب سے جاری نوٹیفکیشن کے مطابق قمیت میں اضافے کے بعد فی لیٹر پیڑول 279 روپے 75 پیسے کا ہوگیا پیٹرول کی قیمت میں اضافے کی وجہ بین الاقوامی قیمتوں، امپورٹ پریمیئم اور ایکسچینج ریٹ میں معمولی ایڈجسٹمنٹ ہے، جبکہ حکومت کی جانب سے ڈیزل کی قیمت میں کوئی تبدیلی نہیں کی گئی۔

قبل ازیں 16 فروری کو بھی نگراں حکومت نے پیٹرولیم مصنوعات کی قیمتوں میں اضافہ کیا تھا جس کے بعد پیٹرول کی قیمت 275 روپے 62 پیسے فی لیٹر ہوگئی تھی، جبکہ ڈیزل کی قیمت 8 روپے 37 پیسے فی لیٹر اضافے کے ساتھ 287 روپے 33 پیسے فی لیٹر پہنچ گئی تھی، جو اب بھی برقرار ہے۔