پیٹرولیم مصنوعات کی قیمتوں میں ایک بار پھر اضافے کا امکان

عالمی منڈی میں خام تیل کی قیمتوں اور درآمدی اخراجات میں اضافے کے باعث پاکستان میں پیٹرولیم مصنوعات کی قیمتوں میں ایک بار پھر اضافے کا امکان ہے-

ذرائع کے مطابق آئندہ پندرہ روز کے دوران عالمی منڈی میں تیل کی قیمتوں اور درآمدی پریمیم میں اضافے کے باعث پیٹرول اور ہائی اسپیڈ ڈیزل (ایچ ایس ڈی) کی قیمتوں میں بالترتیب 5 روپے 25 پیسے اور 6 روپے 50 پیسے فی لیٹر اضافے کا امکان ہے پیٹرول کی ایکس ڈپو قیمت میں تقریباً 2 فیصد اضافہ ہو کر یہ 272 روپے 04 پیسے فی لیٹر جبکہ ڈیزل کی قیمت میں 2.5 فیصد اضافے کے ساتھ یہ 279 روپے 48 پیسے فی لیٹر تک پہنچ سکتی ہے-

آئندہ ماہ ای وی پنک موٹر سائیکل مفت میں خواتین کو دی جائیں گی، شرجیل میمن

اس کے برعکس، مٹی کے تیل اور لائٹ ڈیزل آئل کی قیمتوں میں بالترتیب 3 روپے 80 پیسے اور 2 روپے 25 پیسے فی لیٹر کمی کی توقع ہے تاہم حتمی قیمتوں کا اعلا ن حکومت کی منظوری کے بعد کیا جائے گا،اس وقت پیٹرول کی قیمت 266 روپے 79 پیسے فی لیٹر ہے جبکہ ڈیزل اس وقت 272 روپے 98 پیسے فی لیٹر ہے،30 جون کو 8 روپے 36 پیسے کے اضافے کے بعد مقرر ہوئی تھی،جبکہ ڈیزل کی قیمت میں 10 روپے 39 پیسے کا اضافہ کیا گیا تھا-

پاکستان کے ساتھ اپنے تعلقات کو انتہائی اہمیت دیتے ہیں،ایرانی صدر