قصور
پیٹرولیم مصنوعات کے بڑھنے کا انتظار،قصور کے بیشتر پیٹرول پمپوں پر کل سارا دن پیٹرول کی سیل بن رکھی گئی،عوام بائیکس کو دھکے لگا کر لیجاتے رہے
تفصیلات کے مطابق قصور اور گردونواح میں بیشتر پیٹرول پمپوں پر پیٹرول کی بڑھتی ہوئی قیمتوں کے پیش نظر پیٹرول فروخت نا کیا گیا تاکہ سٹاک شدہ پیٹرول کو مہنگے داموں فروخت کرکے خوب نفع لیا جائے
پیٹرول کی عارضی قلت سے لوگ اپنی بائیکس کو دھکا لگا کر لیجاتے رہے مگر لالچ کے مارے بیشتر پیٹرول پمپ مالکان کی غیرت نا جاگی
اس ساری صورتحال پر ضلعی انتظامیہ بھی حسب سابق کی طرح خاموش ہی رہی جبکہ شہری بیچارے خوب ذلیل ہوتے رہے
اب پیٹرولیم مصنوعات کی نئی بڑھی ہوئی قیمتوں کا نوٹیفکیشن جاری ہوتے ہی سیل دوبارہ شروع کر دی گئی ہے
شہریوں کا کہنا ہے کہ موجودہ گورنمنٹ میں جس قدر بلیک مارکیٹنگ کی جارہی ہے ماضی میں اس قدر نا تھی اور گورنمنٹ بھی ان بلیک میلروں کو ہاتھ ڈالنے سے قاصر ہے جس کے پیش نظر یوں لگتا ہے کی سارا کچھ حکومتی سرپرستی میں ہو رہا ہے اور یہی کارکردگی پی ٹی آئی قیادت کو لے ڈوبے گی
