پاکستان ہاکی فیڈریشن نے فائیو سائیڈ ہاکی ورلڈ کپ کے لئے ہاکی ٹیم کا اعلان کر دیا

پاکستان ہاکی فیڈریشن نے ایف ائی ایچ فائیو سائیڈ ہاکی ورلڈ کپ مسقط/ عمان میں شرکت کے لئے پاکستان ہاکی ٹیم کا اعلان کردیا۔ قومی ہاکی ٹیم مینجمنٹ کی سفارشات پر صدر پی ایچ ایف میر طارق حسین بگٹی کی حتمی منظوری کے بعد 10 رکنی پاکستان ہاکی ٹیم کا اعلان کردیا گیا۔28 تا 31 جنوری مسقط عمان میں کھیلے جانے والے ایف ائی ایچ فائیو سائیڈ ہاکی ورلڈ کپ میں شرکت کے لئے پاکستان ہاکی ٹیم کے کھلاڑیوں میں گول کیپرز عبداللہ اشتیاق، وقار علی، محمد عبداللہ، عماد شکیل بٹ، معین شکیل، عبدالحنان شاہد، غضنفر علی، زکریا حیات، رانا عبدالوحید اشرف اور ارشد لیاقت شامل ہیں۔ٹیم مینجمنٹ میں ہیڈ کوچ/ منیجر اولمپیئن شکیل عباسی،کوچ اولمپیئن دلاور حسین، وقاص محمود فزیوتھرپسٹ شامل ہیں۔اولمپک کوالیفائی ایونٹ میں شرکت کرنے والی قومی ٹیم میں مزید کھلاڑیوں کی پرفارمنس کو پرکھا جائے گا بہترین کارکردگی دکھانے والے کھلاڑیوں کو ٹیم میں شامل کیا جا سکے گا.