قومی ایئرلائن (پی آئی اے) 20 ارب 39 کروڑ روپے سے زائد کی واجب الادا رقم وصول کرنے میں ناکام رہی ہے، یہ انکشاف آڈیٹر جنرل آف پاکستان کی رپورٹ میں کیا گیا۔
رپورٹ کے مطابق دسمبر 2024 میں اس معاملے کی نشاندہی کی گئی تھی، تاہم پی آئی اے نے واجبات کی وصولی کے لیے مؤثر اقدامات نہیں کیے۔ 2019-20 سے 20 ارب روپے سے زائد کی عدم وصولی سے متعلق آڈٹ پیراز موجود ہیں لیکن ای سی سی اور ایوی ایشن ڈویژن کے ساتھ متعدد اجلاسوں کے باوجود رقم وصول نہیں ہوسکی۔
رپورٹ میں کہا گیا کہ 30 جون 2024 کو آڈٹ مکمل ہونے تک بھی واجبات کی وصولی نہ ہو سکی، جبکہ پی آئی اے نے نہ تو کوئی مناسب حکمت عملی اپنائی اور نہ ہی ڈی اے سی میٹنگ بلائی۔آڈیٹرز نے اپنی رپورٹ میں سفارش کی ہے کہ معاملے کے حل کے لیے براہِ راست ایوی ایشن ڈویژن سے رابطہ کیا جائے تاکہ واجب الادا رقم کی وصولی کو یقینی بنایا جا سکے۔
کراچی ریڈ لائن بس منصوبہ تاخیر کا شکار، شہری مشکلات میں گھِر گئے
پنجاب اسمبلی، اسکولوں میں طلبا کے موبائل فون پر مکمل پابندی کی قرارداد منظور
لالچی مالکن کی وجہ سے 5.3 بلین ڈالرز کا منصوبہ تاخیر کا شکار
