پی آئی اے ایک بار پھر مشکل کا شکار،اکاونٹس منجمد

پاکستان انٹرنیشنل ایئر لائن (پی آئی اے ) کے اکاونٹس کو عدم آدئیگی کی وجہ سے ایف بی آر نے ملک بھر میں منجمد کر دیئے ۔ پی آئی اے کو مجموعی طور پر ساڑھے 4ارب کی ادائیگی کرنی ہے ، پی آئی اے نے فروری سے لیکر اب تک ریٹرن بھی فائل نہیں کی ہے، فوری طور پر دو ارب ستر کروڑ روپے کی وصولی کرنی ہے ،ادائیگی نہ ہونے پر اکاؤنٹس منجمند کر دئیے گئے ہیں۔ دوسری جانب قومی ایئر لائن کی جانب سے کہا گیا ہے کہ یورپی یونین کے پی آئی اے کے لیے انتہائی اہمیت کے حامل دورے پر کاروائی سمجھ سے بالا تر ہے ،ایف بی آر عموما مہینے کے آخری دنوں میں پی آئی اے کے اکاؤنٹس منجمند کرنے کی کاروائی کرتا ہے ،دورے کے موقع پر اکاؤنٹس منجمند کرنا ملکی مفادات کے منافی ہے ۔