پی آئی اے کی حالت بدتر، نئی ایئرلائن شروع کی جائے،عمران اسلم خان

ایئر کرافٹ اونرز اینڈ آپریٹر ایسوسی ایشن کے بانی، ایوی ایشن ایکسپرٹ، عمران اسلم خان نے حالیہ ایک بیان میں کہا ہے کہ پاکستان میں نئی ایئرلائن شروع کی جانی چاہیے اور اس مقصد کے لیے ایک مضبوط کنسورشیم تشکیل دیا جائے۔

سماجی رابطے کی ویب سائٹ ایکس پر جاری بیان میں عمران اسلم خان کا کہنا تھا کہ ایئر لائن انڈسٹری کی ترقی کے لیے نجی سرمایہ کاروں کا ساتھ بہت ضروری ہے اور اس ضمن میں ایئر کرافٹ اونر ز اینڈ آپریٹر ایسوسی ایشن مکمل طور پر معاونت فراہم کرے گا۔پاکستان کی قومی ایئر لائن پی آئی اے کو خریدنے کا خیال بالکل بے فائدہ ہے، کیونکہ حکومت کی پالیسیوں کی وجہ سے اس ادارے کی حالت بدتر ہوچکی ہے۔ "پی آئی اے کو خریدنے کی باتیں بے معنی ہیں، ایک روپے میں بھی یہ خریدنے کے قابل نہیں رہا۔”عمران اسلم خان کا مزید کہنا تھا کہ اگر پاکستان میں ایوی ایشن کے شعبے کو نئی بلندیوں تک پہنچانا ہے تو صرف نجی اداروں اور سرمایہ کاروں کی شمولیت ضروری ہے، جن کے پاس جدید ترین تکنیکی صلاحیتیں اور وژن ہو۔

Start a new #airlines in #Pakistan,form a consortium and @AOOA_Pakistan
will support.
Leave @Official_PIA alone it's not worth buying for PKR 1 🙂 due to Govt policies.@suno_newshd @geonews_urdu @arynewsud @dawn_com @avpak3 @BaaghiTV @PKAviationUrdu @Sanjrani @official_pcaa

— Imran Aslam Khan (@ImranAslam_pk) November 8, 2024