ممتاز حیدر
کراچی: پاکستان انٹرنیشنل ایئر لائنز (پی آئی اے) کی کراچی سے اسلام آباد اور لاہور جانے والی پروازوں میں تاخیر کا سامنا ہوا ہے۔
پی آئی اے حکام نے بتایا کہ یہ تاخیر جہازوں کی روٹین کی مینٹیننس کے دوران ایک جہاز کے سافٹ ویئر اپڈیٹ میں تاخیر کی وجہ سے ہوئی۔پی کے 300 جو کہ کراچی سے اسلام آباد کے لیے روانہ ہونے والی تھی، اس کی روانگی میں تاخیر ہوگئی۔ پی آئی اے حکام نے بتایا کہ یہ پرواز اب دوپہر 1:30 بجے روانہ ہوگی۔اسی طرح پی کے 301 کی پرواز بھی متاثر ہوئی ہے، جو اسلام آباد سے کراچی واپس آنا تھی۔ یہ پرواز بھی معمولی تاخیر کا شکار ہوئی ہے اور پی آئی اے کے مطابق یہ پرواز بھی جلد روانہ ہوگی۔پی آئی اے حکام نے یہ بھی بتایا کہ لاہور جانے والی پرواز پی کے 304 کو منسوخ کردیا گیا ہے۔ تاہم، اس پرواز کے مسافروں کو متبادل پروازوں پر روانہ کرنے کا انتظام کیا گیا ہے۔
پی آئی اے کے چیف ایگزیکٹو آفیسر (سی ای او) خود اس معاملے کی نگرانی کر رہے ہیں اور انہوں نے مسافروں کی سہولت اور آرام کے لیے خصوصی ہدایات جاری کی ہیں تاکہ انہیں کسی قسم کی پریشانی کا سامنا نہ ہو۔پی آئی اے حکام نے مسافروں کو یقین دلایا کہ تمام متاثرہ پروازوں کے لیے متبادل انتظامات کیے گئے ہیں اور ان کی دیکھ بھال کے لیے خصوصی اقدامات اٹھائے جا رہے ہیں تاکہ وہ زیادہ سے زیادہ آرام دہ اور محفوظ سفر کر سکیں۔تاخیر اور منسوخی کے باوجود پی آئی اے انتظامیہ کا کہنا ہے کہ وہ اس بات کو یقینی بنائیں گے کہ مسافروں کو اس صورت حال میں زیادہ سے زیادہ سہولت فراہم کی جائے۔
اداکارہ بلیک لائیولی کاساتھی اداکار پر جنسی ہراسانی کا مقدمہ، اداکاروں کی حمایت
شیخہ فاطمہ بنت مبارک گرلز کیڈٹ کالج میں شاندار پاسنگ آؤٹ پریڈ
