لاہور: پاکستان انٹرنیشنل ایئر لائنز (پی آئی اے) نے اسلام آباد کے ڈی چوک پر پی ٹی آئی کے احتجاج کے باعث ملکی ایئر لائن کی ساری فلائٹس تاخیر کی سوشل میڈیا پر زیر گردش خبروں کی تردید کی ہے-
باغی ٹی وی: ترجمان پی آئی اے کی جانب سے جاری بیان میں واضح کیا گیا کہ پی آئی اے کی تمام سروسز آپریشنل ہیں، تمام اندورن ملک اور بین الااقوامی پروازیں آپریشنل ہیں اور شیڈول کے مطابق لینڈ/ٹیک آف کریں گی۔
ترجمان پی آئی اے نے مسافروں سے درخواست کی کہ وہ فلائٹس کے اوقات سے پہلے ہوائی اڈے پر پہنچ جائیں قومی ایئر لائن نے مسافروں سے یہ بھی درخواست کی کہ وہ پہلے اپنی پروازوں کے بارے میں اپ ڈیٹ لیں اور ان راستوں کے بارے میں بھی جو کھلے ہیں تاکہ سڑکوں کی بندش سے بچا جا سکے۔
احتجاج ملتوی کرنے کا اختیار نہیں،اگر کسی نے تشدد کیا تو حالات کا وہ …
واضح رہے کہ پی ٹی آئی کی جانب سے عمران خان کی کال پر آج ڈی چوک پر احتجاج کی کال ہے،وزیراعلیٰ خیبرپختونخوا علی امین گنڈاپور نے آج ہونے والے احتجاج میں ہر صورت ڈی چوک پہنچنے کا اعلان کیا ہے، انہوں نے اپنے بیان میں عمران خان کو ریڈ لائن قرار دیتے ہوئے واضح کیا کہ ان کے احکامات پر ہر صورت عمل کیا جائےگاحکومت کو خبردار کرتے ہوئے کہا تھا کہ ان کا احتجاج پُر امن ہوگا اور حالات کی خرابی کے ذمہ داری تشدد کرنے والے ہوں گے۔
