نجکاری کمیشن نے قومی ایئر لائن کی خریداری کے لیے اظہارِ دلچسپی جمع کروانے کی آخری تاریخ میں توسیع کردی۔
نجکاری کمیشن کی جانب سے جاری کردہ اعلامیے کے مطابق قومی ایئر لائن کی خریداری کے لیے اظہارِ دلچسپی جمع کروانے کی آخری تاریخ 19جون تک بڑھا دی گئی،آخری تاریخ سرکاری طور پر 15 دن کے لیے بڑھائی گئی ہے جو کہ پہلے 3 جون تھی، قومی ایئر لائن کی خریداری کے لیے دیگر تمام شرائط جوں کی توں رہیں گی تاریخ میں توسیع کا فیصلہ عید کی وجہ سے کیا گیا ہے۔
ذرائع کےمطابق پاک بھارت کشیدگی اور عید الاضحیٰ کی تعطیلات کے باعث سرمایہ کاروں کو اضافی وقت دیا گیانجکاری کے تحت پی آئی اے کے اکاون سے سو فیصد تک شیئرز فروخت کے لیے پیش کیے جائیں گے،اسٹیٹمنٹ آف کوالیفکیشن بھی 19جون تک جمع کرائی جا سکے گی۔
