پیرعادل، باغی ٹی وی (نامہ نگار باسط علی گاڈی) آج صبح 9:28 پر ریسکیو 1122 کنٹرول روم ڈیرہ غازی خان کو ایک ایمرجنسی کال موصول ہوئی جس میں اطلاع دی گئی کہ یاروں مور تونسہ روڈ پر پی ایس او پمپ کے پاس ایک بس نے رکشے کو ٹکر مار دی ہے۔ حادثے میں دو خواتین شدید زخمی ہو گئیں۔
ریسکیو کنٹرول روم نے فوراً موقع پر امدادی ٹیمیں روانہ کیں، جن میں ایک موٹر بائیک ایمبولینس، دو ایمبولینسز اور ایک ریسکیو وہیکل شامل تھا۔ حادثے کی اطلاع پولیس کو بھی دی گئی۔ موقع پر پہنچنے کے بعد ایک خاتون موقع پر ہی دم توڑ چکی تھیں، جبکہ دوسری خاتون کو ابتدائی طبی امداد کے بعد علامہ اقبال ٹیچنگ ہسپتال منتقل کر دیا گیا۔
حادثہ کا شکار ہونے والی خواتین میں فاطمہ مائی زوجہ عبدالرحمن، عمر 45 سال زخمی ہونے کے بعد سر پر چوٹ آئی، جسے ابتدائی طبی امداد دینے کے بعد علامہ اقبال ٹیچنگ ہسپتال منتقل کیا گیا۔
نصرت مائی زوجہ غلام شبیر، عمر 39 سال حادثے میں شدید زخمی ہوئیں اور سر پر چوٹ آئی جوکہ موقع پر ہی جاں بحق ہو گئی۔ لواحقین کے اصرار پر ان کی میت کو ان کےگھر (ٹبی اسرا) منتقل کر دیا گیا۔
