پیرعادل:یارو موڑ تونسہ روڈ پر ڈکیتی،مقامی صحافی لُٹ گیا

پیرعادل (نامہ نگار) یارو موڑ تونسہ روڈ پر ڈکیتی،مقامی صحافی لُٹ گیا

یارو موڑ تونسہ روڈ پر ڈکیتی کی واردات میں باغی ٹی وی کے نمائندے باسط علی گاڈی کو مسلح ڈاکوؤں نے لوٹ لیا۔ ڈاکو موبائل، پرس، نقدی اور موٹر سائیکل چھین کر فرار ہو گئے۔

9 فروری 2025 کو رات 8 بجے باسط علی ولد عابد حسین گاڈی سرور والی سے اپنی CD موٹر سائیکل پر پیر عادل گھر جا رہا تھا کہ یارو موڑ تونسہ روڈ پر تین نامعلوم ڈاکوؤں نے جو دو موٹر سائیکلوں پر سوار تھے، گن پوائنٹ پر روک کر موبائل فون، پرس، نقدی اور موٹر سائیکل چھین لی اور فرار ہو گئے۔

واردات کی اطلاع ملتے ہی تھانہ صدر پولیس نے فوری کارروائی کرتے ہوئے موقع پر پہنچ کر تحقیقات کا آغاز کر دیا۔ پولیس نے تین نامعلوم ملزمان کے خلاف مقدمہ درج کر لیا ہے۔ ایس ایچ او تھانہ صدر نے متاثرہ صحافی کو یقین دلایا ہے کہ جلد ملزمان کو گرفتار کرکے موٹر سائیکل، نقدی، شناختی کارڈ اور اے ٹی ایم کارڈ برآمد کیے جائیں گے اور ملزمان کو قانون کے کٹہرے میں لایا جائے گا۔