پائلٹ کی عقلمندی، طیارہ حادثے کا شکار ہونے سے بال بال بچ گیا

لندن: برطانیہ کے ہیتھرو ایئرپورٹ پر ایک طیارے کے حادثے سے بچنے کی ویڈیو سوشل میڈیا پر وائرل ہورہی ہے۔

باغی ٹی وی : ویڈیو شئیرنگ ایپ یو ٹیوب پر ویڈیو میں دیکھا جا سکتا ہے کہ برطانوی ایئرلائن کے طیارےکو لینڈنگ کے دوران تند و تیز ہواؤں کے باعث مشکلات کا سامنا ہوتا ہے لینڈنگ کے وقت طیارے کے پہیے جیسے ہی رن ون سے ٹکراتے ہیں تو تیز طوفانی ہوائیں کی وجہ سے طیارہ بری طرح ڈول جاتا ہے لیکن ایسے ہی وقت پائلٹ عقلمندی مظاہرہ کرتے ہوئے طیارے کو حادثے کا شکار ہونے سے بچالیتا ہے۔

اداکارہ سلمیٰ ظفر عاصم نے شوہر کو دوسری شادی کی اجازت کیوں دی ؟

ویڈیو کے مطابق لینڈنگ کے وقت تیز ہوا کے دباؤ سے طیارہ بری طرح ہل رہا ہے تاہم پائلٹ خطرے کو بھانپتے ہوئے لینڈنگ کا ارادہ ترک کرکے طیارہ کو دوبارہ ٹیک آف کردیتا ہے جس کی وجہ سے طیارے ممکنہ حادثے سے بچ جاتا ہے۔

واضح رہے کہ گزشتہ ہفتے دنیا کے مختلف حصوں میں طیاروں کے مختلف حادثات دیکھنے میں آئے جو سیکڑوں مسافروں کی ہلاکت کا باعث بنے تھے جنوبی کوریا میں طیارے کے حادثے میں 179 افراد ہلاک ہوئے جبکہ قازقستان میں ہونے والے طیارہ حادثے میں بھی 38 افراد جاں بحق ہوئے-

خواتین کیلیے خوشخبری،بینظیر کفالت سہہ ماہی قسط کی رقم بڑھا دی گئی