چونیاں: پلانٹ فار پاکستان ہمارے لئے لائف لائن ہے ،عبدالغفار ڈوگر

چونیاں،باغی ٹی وی(نامہ نگارعدیل اشرف) پلانٹ فار پاکستان ہمارے لئے لائف لائن ہے پالوشن کی روک تھام، بہتر ماحول اور موسم کیلئے شجر کاری انتہائی ضروری ہو چکی ہے

ڈپٹی ڈائریکٹر کالجز قصور عبدالغفار ڈوگر نے گورنمنٹ گریجویٹ کالج برائے خواتین چونیاں میں شجر کاری مہم کے سلسلہ میں تقریب سے خطاب کرتے ہوئے کہا کہ شجرکاری موسمیاتی تبدیلیوں کا واحد حل ہے درخت لگانا صدقہ جاریہ اور قدرت کا انمول تحفہ ہیں

سرکاری کالجز میں شجر کاری مہم کی تقریبات کا آغاز "انٹرنیشنل فارسٹ ڈے”کی مناسبت سے ہو گیا ہے اس عالمی دن کے موقع پر گورنمنٹ گریجویٹ کالج برائے خواتین میں شجرکاری کا آغاز پرنسپل کالج شبانہ شیراز کی زیر نگرانی ہوا۔

تقریب کے دوسرے مہمانِ خصوصی اسسٹنٹ کمشنر چونیاں عامر بٹ نے خطاب کرتے ہوئے پودوں کی افادیت کو بخوبی اجاگر کیا اور اس بات پر زور دیا کہ گلوبل وارننگ اور ماحولیاتی تبدیلیوں سے چھٹکارا صرف پودوں کی کاشتکاری اور آبیاری سے ممکن ہے

ہر پاکستانی شہری کو اپنا حصہ ڈالنا چاہیے جنتا ہو سکے اپنے گھر کے افراد کو بھی پودے لگانے کی جان کاری دیں تاکہ آنے والے دس سالوں میں ہمیں اس سے بہتر موسم مل سکے۔

تقریب میں وائس پرنسپل نصرت فاروق، لیکچرار ڈاکٹر فاخرہ اکبر اور دیگر اساتذہ اکرام اور طالبات نے شرکت کی اور شجر کاری مہم کے سلسلہ میں ریلی بھی نکالی۔تقریب کے اختتام پر ملکی سلامتی کے لیے دعا کی گئی