وزیراعظم کرونا ریلیف فنڈ، سب سے پہلے کس نے ایک کروڑ روپے دینے کا اعلان کر دیا؟
باغی ٹی وی کی رپورٹ کے مطابق وزیراعظم عمران خان کے کرونا ریلیف فنڈ میں پشاور زلمی کے چیئرمین جاوید آفریدی نے ایک کروڑ روپے دینے کا اعلان کیا ہے
سماجی رابطے کی ویب سائٹ ٹویٹر پر ٹویٹ کرتے ہوئے جاوید آفریدی کا کہنا تھا کہ وزیر اعظم عمران خان کے کرونا ریلیف فنڈ میں ایک کروڑ روپے جمع کرائیں گے۔ پوری امید اور یقین ہے کہ پاکستان کا ہر صاحب استطاعت مشکل گھڑی میں آگے بڑھ کر اپنا کردار ادا کرے گا ، تمام پاکستانیوں سے درخواست ہے کہ وزیراعظم کے کورونا ریلیف فنڈ میں اپنا حصہ ڈالیں ، تمام پاکستانیوں سے یہ بھی درخواست ہے کہ گھر میں رہیں اور تمام احتیاطی تدابیر اختیار کریں۔
On behalf of the Zalmi Foundation @FoundationZalmi ,I announce a donation of Rs 10m to the Corona Relief Fund, set up by the Prime Minister @ImranKhanPTI ,with the hope & confidence that every man of Pakistan can lead the nation's success in this war at a time of great difficulty https://t.co/X07xbvQoVG
— Javed Afridi (@JAfridi10) March 30, 2020
واضح رہے کہ وزیراعظم عمران خان نے آج قوم سے خطاب کرتے ہوئے کرونا ریلیف فنڈ کا اعلان کیا تھا،وزیراعظم عمران خان کا کہنا تھا کہ اس اکاؤنٹ میں فنڈز کا آڈٹ ہو گا اور مکمل تفصیلات فراہم کی جائیں گی. ریلیف فنڈ کہاں استعمال ہو رہا ہے, اس کی مکمل تفیصل قوم کو بتائی جائےگی.ہم نے تاریخ کا سب سے بڑا ریلیف پیکج دیا, جو 8 ارب ڈالر ہے.
وزیراعظم آفس نے ‘’وزیراعظم کورونا ریلیف فنڈ اکاؤنٹ’’ کی تفصیلات جاری کرتے ہوئے کہا ہے کہ نیشنل بینک آف پاکستان کے اکاؤنٹ 4162786786 میں فنڈز بھیج سکیں گے جبکہ سوئفٹ کوڈ NBPAPKKAMBR ہے۔
