وزیراعظم غیر حاضر وزیر صحت ،کارکردگی صفر،وزیرصحت عمران خان سامنا کریں، خواجہ آصف
باغی ٹی وی کی رپورٹ کے مطابق پاکستان مسلم لیگ (ن) کے قومی اسمبلی میں پارلیمانی لیڈر خواجہ محمد آصف نے کہا ہے کہ وزیراعظم عمران خان ہی وزیر صحت بھی ہیں، قوم کی زندگی وموت کے سنگین ترین بحران میں خود کارکردگی دکھائیں
خواجہ آصف کا کہنا تھا کہ وزیراعظم عمران خان غیرحاضر وزیر صحت ہیں، ’پراکسی وزیرصحت‘ کے بجائے خود ذمہ داری اٹھائیں اور نبھائیں ،وزیرصحت عمران خان خود درپیش صورتحال کا سامنا کریں ،اس وقت سنجیدہ ترین واحد بحران کورونا اور قوم کی صحت کا درپیش ہے ،قوم سوال پوچھ رہی ہے کہ ’پراکسیز ہیلتھ منسٹرز‘ کون بنے ہوئے ہیں؟
خواجہ آصف کا مزید کہنا تھا کہ ڈاکٹر ظفر مرزا نے خود تسلیم کیا کہ 78 فیصد کورونا تافتان سے آنے والے زائرین سے پھیلا ،جو شخص تافتان پر آنے والے زائرین کی سکریننگ، ٹسیٹنگ اور کورنٹین کی ذمہ داری نہ نبھا سکا، اسے پوری قوم کی صحت کی ذمہ داری دی گئی
کورونا امیر غریب نہیں دیکھ رہا، پاکستان کے طول وعرض میں ہر شہری کو نشانہ بنارہا ہے
خواجہ آصف کا کہنا تھا کہ ان حالات میں وزیراعظم اور وزیرصحت عمران خان کا رویہ انتہائی غیرسنجیدہ اور کارکردگی صفر ہے ،قوم، میڈیا اور ماہرین کورونا کا شورمچارہے ہیں اور حکومت غیرسنجیدگی کی انتہاءپر ہے
