وزیراعظم عمران خان اور چینی وزیراعظم میں رابطہ،بڑا اعلان کر دیا

وزیراعظم عمران خان اور چینی وزیراعظم میں رابطہ،بڑا اعلان کر دیا

باغی ٹی وی کی رپورٹ کے مطابق وزیر اعظم اور چینی وزیر اعظم کے مابین ٹیلی فونک رابطہ ہوا ہے

وزیر اعظم عمران خان نے چینی وزیر اعظم سے ٹیلیفون پر بات چیت کی۔ کال کے دوران پاک چین سفارتی تعلقات ، دوطرفہ تعلقات ، کرونا ویکسین اور تعاون کے 70 ویں سالگرہ پر تبادلہ خیال کیا گیا۔ وزیر اعظم عمران خان نے چینی وزیر اعظم اور چینی قیادت کو مریخ پر چینی خلائی جہاز کی کامیاب لینڈنگ پر مبارکباد پیش کی ، جس نے چین کی بڑھتی ہوئی تکنیکی قابلیت کو ظاہر کیا۔

وزیر اعظم عمران خان نے زور دے کر کہا کہ گذشتہ برسوں کے دوران اجتماعی اور انتھک کوششوں سے ، پاکستان اور چین نے اپنے تعلقات کو "آل ویدر اسٹریٹجک کوآپریٹو پارٹنرشپ” میں تبدیل کردیا ہے۔ سی پیک کی وجہ سے روزگار میں اضافہ ہو گا اور اس سے دوطرفہ اور علاقائی تجارت میں مزید اضافہ ہوگا۔

سال 2021 ایک خاص موقع ہے کیونکہ یہ پاکستان اور چین کے مابین سفارتی تعلقات کے قیام کی 70 ویں سالگرہ کا موقع ہے۔ وزیر اعظم نے خصوصی موقع پر چینی وزیر اعظم کو مبارکباد پیش کی اور کہا کہ دونوں فریق مناسب انداز میں منائیں گے۔

وزیراعظم عمران خان نے کورونا ویکسین کی فراہمی میں تعاون پرچین کی تعریف کی وزیراعظم نے قومی ادارہ صحت میں ویکسین کی تیاری میں سہولت پربھی چین کاشکریہ ادا کیا وزیر اعظم نے دونوں ممالک کے مابین اسٹریٹجک تعاون کو مزید متنوع اور گہرا کرنے کے لئے اعلی سطح کے رابطے جاری رکھنے کی ضرورت پر بھی زور دیا۔ دونوں رہنماؤں نے پاک چین دوطرفہ تعلقات کو مزید مستحکم کرنے کے عزم کی تصدیق کی۔