مودی اپنی حرکتوں سے بازآجا:ورنہ "اک پاکستان بناواں گے وچ ہندوستان دے پھراسیں”وزیراعظم عمران خان نے اعلان کردیا

0
50

اسلام آباد :مودی اپنی حرکتوں سے بازآجا:ورنہ "اک پاکستان بناواں گے وچ ہندوستان دے پھراسیں”اطلاعات کے مطابق وزیراعظم عمران خان نے بھارت کی جانب سے یو این گاڑی پر فائرنگ کو عالمی قوانین کی خلاف ورزی قرار دیتے ہوئے خبردار کیا ہے کہ مودی اندرونی مسائل سےتوجہ ہٹانےکیلئےفالس فلیگ آپریشن کرسکتا ہے اگر فالس فلیگ آپریشن ہوا تو ہمارا جواب بھرپور ہو گا۔

 

 

ٹوئٹر پر جاری بیان میں وزیراعظم عمران خان نے لکھا کہ بھارت نےایل اوسی پرجان بوجھ کر یوا ین گاڑی کو نشانہ بنایا یو این گاڑی پرفائرنگ عالمی قوانین کی خلاف ورزی ہے اقوام متحدہ گاڑی پر نیلا جھنڈا لگے ہونےکے باوجود نشانہ بنایا گیا۔

وزیراعظم نے اپنے پیغام میں کہا کہ بھارت پاکستان کے بارے میں برے عزائم بنا رہا ہے بھارت یہ یاد رکھ لے کہ اگرکوئی ایسی غلطی کی تو بھارت ٹکڑے ٹکڑے ہوجائے گا پھران شا اللہ کئی پاکستان بنیں گے

 

وزیراعظم نے کہا کہ پاکستان بھارت کی اس غنڈہ گردی کی شدید مذمت کرتا ہے، مودی اندرونی مسائل سےتوجہ ہٹانےکیلئےفالس فلیگ آپریشن کرسکتاہے، مودی حکومت کی کسی بھی ممکنہ گڑبڑ سے دنیا کو خبردار کرتا ہوں۔

 

 

وزیراعظم نے لکھا کہ بھارت میں کورونا، کسادبازاری اور کسانوں کےاحتجاج کےمسائل ہیں جب کہ ایل اوسی پر فائرنگ میں شہری آبادی کونشانہ بنایاگیا بھارت نے تھوڑے ہی عرصے میں‌ 3ہزار سے زائد مرتبہ جارحیت کی ،جس کے نتیجے میں 276 شہری شہید ہوئے، بھارت کی شہری آبادی پرگولہ باری سے92خواتین اور 68 بچے شہیدہوئے۔

وزیراعظم نے خبردار کیا کہ عالمی برادری پر واضح کرتا ہوں کہ فالس فلیگ آپریشن ہوا تو ہمارا جواب بھرپور ہو گا، کسی بھی خطرےپرپاکستان جوابی کارروائی کاحق رکھتاہے۔

 

 

ادھر دوسری طرف بھارتی جارحیت پراس قدرسخت ردعمل آرہا ہے کہ ہرطرف یہ ایک دکھ بھری داستان بن گئی

پھر یہ ہی نہیں بلکہ ٹویٹر پرتو یہ ایک ٹاپ ٹرینڈ بن گیا یہ ٹرینڈ کچھ اس طرح ہے "بھارت نے اقوام متحدہ پر حملہ کردیا”  

 

باغی ٹی وی رپورٹ کے مطابق” بھارت نے اقوام متحدہ پر حملہ کردیا” EndiaAttackedUN# اس وقت ٹویٹر پر ٹاپ ٹرینڈ میں سے ہے . اس ٹرینڈ میں بھارت کی دہشت گردی کی مزمت کی جارہی ہے جو وہ اپنے ہمسایہ ممالک پر آئے روز بمباری کر کے اس کے نہتے شہریوں‌کو نشانہ بنا رہا ہے . اس سلسلے میں‌چند روز قبل بھارت نے ایل او سی پر فائرنگ کر کے اقوام متحدہ کی گاڑی کو نشانہ بنایا ہے جس میں گاڑی کو بھارتی لانگ رینچ گنوں کے فائر لگے اور گاڑی کو نقصان پہنچا.

بھارت کی اس جارحیت ایک صارف نے تصاویر شیئر کی جس میں اقوام متحدہ کی گاڑی کو نشانہ بنایا.

ارشد محمود نے کھا کہ بھارت اس وقت 66 سے زائد کیمپ چلا رہا ہے اور افغانستا ن کی زمین استعمال کرتے ہوئے دہشت گردی برآمد کر رہا ہے.

ایک صارف حیا جان نے لکھا کہ بھارت مکمل طور پر عیاں ہو چکا ہے جو کہ دہشت گردی کا مدد گار بنا ہوا ہے.

حزیفہ شاہین نے لکھا کہ بھارت پاکستان کو الزم لگاتا ہے کہ اس کی دہشت گرد تنظیمیں‌ہیں‌ لیکن اپنی طرف دیکھے جو وہ جموں اور کشمیر میں کر رہا ہے.

 

واضح رہے کہ آئی ایس پی آر کے ترجمان کی جانب سے ٹویٹ میں بتایا گیا ہے کہ اقوام متحدہ کی گاڑی میں دو ملٹری آبزرورز موجود تھے، جو سیز فائر کی خلاف ورزی کے شکار افراد سے ملاقات کرنے پولاس گاؤں کی جانب سے جا رہے تھے۔

ترجمان پاک فوج نے اپنی ٹویٹ میں لکھا کہ یہ بات نوٹس میں رہے کہ اقوام متحدہ کی گاڑیاں دور سے ہی پہچانی جاتی ہیں۔ انڈٰین فوج کی گولیاں گاڑی کو لگیں تاہم خوش قسمتی سے اس میں موجود یو این مبصر محفوظ رہے۔ پاک فوج کی جانب سے مہمانوں کو فوری طور پر موقع سے بحفاظت نکالتے ہوئے راولا کوٹ پہنچایا گیا۔

ذرائع کے مطابق آئی ایس پی آر نے بھارت کی طرف سے پاکستانی علاقوں میں فائرنگ اورمعصوم شہریوں کونشانہ بنانے پر بھارتی مکاری دنیا کے سامنے عیاں کرتے ہوئے کہا ہےکہ بھارتی خطرناک عزائم اس حد تک تجاوز کرگئے ہیں کہ بھارتی افواج نے اس علاقے میں امن کے لیے ذمہ داریاں نبھانے کے لیے اقوام متحدہ کے کارکنوں کوبھی معاف نہیں کیا اوران کو نشانہ بنایا ہے

پاک فوج کے ترجمان ادارے نے اس بات کا خدشہ ظاہرکیا ہے کہ بھارتی افواج جان بوجھ کرسویلین کونشانہ بنا رہی ہیں ،ادھر آئی ایس پی آر کی طرف سے کہا گیا ہے کہ پاکستان عالمی برادری کی امن کے حوالے سے کوششوں کی حمایت کرتا ہے اوربھارت کی طرف سے اقوام متحدہ کے مبصرین کوگولیوں کا نشانہ بنانے کی مذمت کرتا ہے

Leave a reply