ریاض: وزیراعظم شہباز شریف اور امیر کویت شیخ مشعل الاحمد الجابر الصباح کے درمیان ریاض میں ملاقات ہوئی۔
باغی ٹی وی : وزیر اعظم اور امیر کویت کی ملاقات ورلڈ اکنامک فورم کے خصوصی اجلاس کے موقع پر ہوئی، وزیر اعظم نے اپنے دوبارہ انتخاب پر امیر کویت کی جانب سے تہنیتی خط پر اظہار تشکر کیا اور شیخ مشعل الاحمد الجابرالصباح کو امیر کا عہدہ سنبھالنے پر مبارکباد دی۔
وزیراعظم نے دوطرفہ تعلقات کو اقتصادی شراکت داری میں بدلنے کےلیے مل کر کام کرنے کی خواہش کا بھی اظہار کیا،دوطرفہ تعلقات پر تبادلہ خیال اور علاقائی صورتحال بالخصوص غزہ کے بحران پر بات چیت کی گئی، وزیراعظم نے کویت کے امیر کو جلد پاکستان کا سرکاری دورہ کرنے کی دعوت بھی دی۔
بجٹ خسارے کی تمام سیاسی جماعتیں اور حکومتیں ذمہ دار ہیں،سابق گورنر سٹیٹ بینک
پاکستان اور ایران کے تعلقات میں مزید پیشرفت
سرمایہ کاری سےمتعلق پاکستان ہماری ترجیح ہے،سعودی وزیر کی وزیراعظم کو یقین دہانی
وزیراعظم کی سعودی ولی عہد سے ملاقات،دورہ پاکستان کی ایک بار پھر دی دعوت
وزیراعظم شہباز شریف سعودی دارالحکومت ریاض میں سعودی ولی عہد محمد بن سلمان کے خصوصی مکالمے اور گالا ڈنر میں شریک ہوئے، تقریب کے دوران وزیر اعظم نے ولی عہد کے ساتھ مختلف امور پر تبادلہ خیال کیا،وزیراعظم شہباز شریف نےعالمی اقتصادی فورم کے خصوصی اجلاس کے کامیاب انعقاد پر سعودی قیادت کو مبارک باد بھی پیش کی اور ساتھ ہی رمضان المبارک کے دوران مکہ مکرمہ میں ہونے والی اپنی حالیہ ملاقات کا بھی ذکر کیا۔وزیر اعظم شہباز شریف نے سعودی وزیر خارجہ کی قیادت میں اعلیٰ سربراہی وفد پاکستان بھیجنے پر بھی ولی عہد کا شکریہ ادا کیا اور کہا کہ وہ ایک اعلیٰ اختیاراتی وفد کے ساتھ ریاض آئے ہیں جس میں سرمایہ کاری کے اہم ذمہ دار وزرا بھی شامل ہیں،ملاقات میں علاقائی صورت حال خاص طور پر غزہ کے بحران پر بھی تبادلہ خیال کیا گیا، وزیراعظم نے ولی عہد شہزادہ محمد بن سلمان کو جلد پاکستان کا سرکاری دورہ کرنے کی دعوت کا اعادہ بھی کیا
