وزیراعظم کی صحافی ارشد شریف کی والدہ سے ٹیلیفون پرتعزیت

وزیراعظم شہبازشریف نے سینیئر صحافی ارشد شریف کی والدہ سے ٹیلی فون پر تعزیت کی –

باغی ٹی وی : وزیراعظم نے ارشد شریف کی والدہ سے افسوس کا اظہار کرتے ہوئے کہا کہ ارشد شریف کی وفات کی خبر پر بے حد رنج ہوا۔

منظور پشتین کے خلاف دہشت گردی اور بغاوت کا مقدمہ درج

ارشد شریف کی والدہ نے وزیراعظم سے مرحوم کی میت جلد پاکستان لانے کی درخواست کی جس پر شہباز شریف نے یقین دہانی کرائی کہ تمام اقدامات ہنگامی بنیادوں پر کیے جا رہے ہیں۔

وزیراعظم کا کہنا تھاکہ حکومت کینیا کی حکومت سے مسلسل رابطے میں ہے، میت وطن لانے کیلئے خارجہ اور داخلہ وزارتوں کوفوری اقدامات کی ہدایت کی ہے وزیراعظم نے مرحوم کی والدہ کویقین دہانی کرائی کہ ضابطےکی کارروائی مکمل ہوتے ہی میت پاکستان لائیں گے۔

ارشد شریف کی والدہ نے وزیراعظم سے گفتگو میں کہا کہ آپ چھوٹے بیٹے کی وفات پربھی تعزیت کیلئے آئے تھے۔

چوک قریشی: ڈاکٹر شاہد اقبال سہرانی پر قاتلانہ حملے کی شدید مذمت کرتے ہیں، محسن بلوچ

وزیراعظم نے خارجہ اورداخلہ سیکرٹریز کو میت لانے کاعمل تیز بنانے کی ہدایت کی اور کہا کہ دونوں وفاقی سیکرٹریز کو کینیا کے حکام سے رابطے میں رہنے کی ہدایت کی ہے۔

دوسری جانب کینیا میں قتل ہونے والے پاکستان کے سینیئر صحافی ارشد شریف کی اہلیہ جویریہ صدیق نے تصدیق کی ہےکہ ان کے مقتول شوہر کی میت آج منگل کو پاکستان پہنچےگی اورتدفین ایچ الیون قبرستان اسلام آباد میں جمعرات ہوگی مقتول صحافی کی میت کی پاکستان منتقلی کی تیاریاں شروع کردی ہیں اورمیت جلد سےجلد اسلام آبادپہنچانے کی کوشش کی جارہی ہے۔

ارشد شریف کی میت کب پاکستان پہنچے گی؟ اہلیہ جویریہ صدیق نے بتا دیا