وزیراعظم محمد شہباز شریف نے متحدہ عرب امارات کے سرکاری دورے کے دوران یو اے ای کے صدر اور ابوظہبی کے حکمران شیخ محمد بن زاید النہیان سے اہم ملاقات کی۔
ملاقات میں پاکستان اور متحدہ عرب امارات کے درمیان بھائی چارے، اعتماد اور مشترکہ اقدار پر مبنی تعلقات کو اجاگر کیا گیا۔ دونوں رہنماؤں نے دوطرفہ، علاقائی اور عالمی امور پر تبادلہ خیال کرتے ہوئے اہم شعبوں میں تعاون کو مزید فروغ دینے کے عزم کا اعادہ کیا۔وزیراعظم شہباز شریف نے پاکستان اور بھارت کے درمیان کشیدگی کم کرنے کے لیے متحدہ عرب امارات کی قیادت کے تعمیری کردار پر شکریہ ادا کیا اور خطے میں امن و استحکام کے فروغ میں یو اے ای کے مثبت کردار کو سراہا۔
ملاقات میں دوطرفہ تعلقات میں مثبت پیش رفت اور مختلف سطحوں پر جاری رابطوں پر اطمینان کا اظہار کیا گیا۔ دونوں رہنماؤں نے خطے میں امن اور خوشحالی کے مشترکہ اہداف کے لیے قریبی رابطہ برقرار رکھنے اور باہمی تعاون جاری رکھنے پر اتفاق کیا۔وزیراعظم نے یو اے ای کے صدر کو جلد پاکستان کے دورے کی دعوت کا اعادہ بھی کیا۔
ملاقات میں نائب وزیراعظم و وزیر خارجہ اسحاق ڈار، آرمی چیف فیلڈ مارشل سید عاصم منیر، وفاقی وزیر داخلہ محسن رضا نقوی، وزیر اطلاعات عطا اللہ تارڑ اور معاون خصوصی طارق فاطمی بھی شریک تھے۔
بھارت نے پاک سرحد کے جنوبی حصے میں فضائی مشق کیلئے ایک روزہ فضائی حدود مخصوص کر دی
اڈیالہ جیل میں قیدی سے بدفعلی اور قتل، 4 مجرموں کو دو، دو بار سزائے موت کا حکم
احمد آباد طیارہ حادثہ: وزیراعظم، نواز شریف، بلاول بھٹو سمیت سیاسی رہنماؤں کا اظہار افسوس