لاہور: وزیراعظم شہباز شریف کی زیر صدارت وفاقی وزرا کا اجلاس اہم حکومتی امور پر تبادلہ خیال کیا گیا۔
باغی ٹی وی : ماڈل ٹاؤن لاہور میں وزیر اعظم شہباز شریف کی زیر صدارت مشاورتی بیٹھک ہوئی، جس میں وفاقی وزرا اور متعدد ارکان اسمبلی نے شرکت کی، اجلاس میں شرکت کرنے والے وفاقی وزرا میں وزیر خزانہ محمد اورنگزیب، وزیر پیٹرولیم مصدق ملک، وزیر قانون اعظم نذیر تارڑ اور رکن قومی اسمبلی رشید اکبر نوانی شامل ہیں،وزیراعظم شہباز شریف کی زیر صدارت اجلاس میں اہم حکومتی امور پر بھی تباد لہ خیال کیا گیا۔
وفاقی وزیر خزانہ محمد اورنگزیب نے معاشی اہداف پر وزیراعظم کو بریفنگ دی، آئی ایم ایف کے اسٹینڈ بائی معاہدے اور نئے پروگرام کے خدوخال کا جائزہ لیا گیا باخبر پارٹی ذرائع نے کہا کہ اسٹینڈ بائی معاہدے سے پاکستان کو 1.1 ارب ڈالر کی قسط کے اجرا سے متعلق تبادلہ خیال کیا گیا جبکہ وفاقی وزیر مصدق ملک نے وزیر اعظم شہباز شریف کو پیٹرولیم مصنوعات کی قیمتوں کے بارے میں بریفنگ دی۔
