وزیراعظم عمران خان مظفرآباد پہنچ گئے، صدر اوروزیراعظم آزاد کشمیر نے وزیراعظم عمران خان کا استقبال کیا،وزیراعظم عمران خان کو گارڈ آف آنر پیش کیا گیا.
باغی ٹی وی کی رپورٹ کے مطابق وزیراعظم عمران خان آزاد کشمیر کے دارالحکومت مظفر آبا پہنچ گئے،صدر آزاد کشمیر سردار مسعود ،وزیر اعظم راجہ فاروق حیدر اور اراکین کابینہ نےعمران خان کا استقبال کیا، وزیراعظم عمران خان کو گارڈ آف آنر بھی پیش کیا گیا.
وزیراعظم عمران خان آج پاکستان کے یوم آزادی کے موقع پر کشمیریوں سے یکجہتی کے لئے آزادکشمیر قانون ساز اسمبلی سے خطاب کریں گے،اس موقع پر وفاقی وزراء بھی ان کے ہمراہ ہوں گے۔
وزیراعظم عمران خان مظفر آباد میں آل پارٹیز کانفرنس سمیت دیگر کشمیری رہنماؤں سے ملاقاتیں بھی کریں گے۔
واضح رہے کہ آج ملک بھر میں یوم آزادی پاکستان یکجہتی کشمیر کے طور پر منایا جا رہا ہے، مودی سرکار نے کشمیر کی خصوصی حیثیت ختم کر دی ہے اس کے بعد پاکستان نے بھارت کے ساتھ سفارتی تعلقات ختم کر لئے اور یوم آزادی پاکستان کو یوم یکجہتی کشمیر کے طور پر منانے کا اعلان کیا
