وزیراعظم کا دورہ سعودی عرب مکمل،قطر روانہ
وزیرِاعظم محمد شہباز شریف سعودی عرب کا دو روزہ سرکاری دورہ مکمل کر کے ریاض سے دوحہ، قطر روانہ ہو گئے ہیں،
ریاض کے نائب گورنر، عزت مآب شہزادہ عبدالرحمن بن عبدالعزیز نے شاہ خالد بین الاقوامی ہوائی اڈے پر وزیرِ اعظم کو الوداع کیا.اس موقع پر پاکستان کے سعودی عرب میں سفیر احمد فاروق اور پاکستان و سعودی عرب کے اعلی سفارتی افسران و اہلکار بھی موجود تھے. وزیراعظم نے ریاض میں آٹھویں فیوچر انویسٹمنٹ انیشی ایٹیو (FII) میں شرکت کی اور خطاب بھی کیا. وزیرِاعظم نے فورم میں پاکستان کی سرمایہ کاری کی استعداد اور حکومت کی جانب سے معاشی اصلاحات اور کاروبار و سرمایہ کاری کی سہولت کیلئے اٹھائے گئے اقدامات کو اجاگر کیا. وزیرِاعظم کی اعلی سعودی قیادت بالخصوص ولی عہد سعودی عرب عزت مآب محمد بن سلمان بن عبدالعزیز آل سعود سے بھی دو طرفہ ملاقات ہوئی جہاں انہوں نے دونوں ممالک کے مابین دوطرفہ تعلقات کے مزید فروغ پر گفتگو کی. وزیر دفاع خواجہ محمد آصف، وزیرِ خزانہ محمد اورنگزیب، وزیرِ نجکاری عبدالعلیم خان، وزیرِ پیٹرولیم ڈاکٹر مصدق ملک، وزیرِ تجارت جام کمال خان اور وزیر اطلاعات و نشریات عطاء اللہ تارڑ بھی وزیر اعظم کے ہمراہ تھے.
قبل ازیں وزیراعظم محمدشہبازشریف کی ریاض میں ویتنامی ہم منصب فام من چن سے ملاقات ہوئی ہے، ملاقات کے دوران دوطرفہ تعلقات بالخصوص تجارت ،سرمایہ کاری مضبوط بنانے سے متعلق تبادلہ خیال کیا گیا،وزیراعظم شہباز شریف نے دونوں ممالک کے درمیان تجارتی اورکاروباری وفودکے تبادلے کی تجویز دی،دونوں رہنماؤں نےعوامی روابط مضبوط بنانے ،سیاحت کے فروغ دینے کے عزم کااظہار کیا،دونوں ممالک کے مابین دوطرفہ تجارت اورسرمایہ کاری بڑھانے کے وسیع مواقع ہیں،شہبازشریف نے ویتنام کے وزیراعظم کوپاکستان کاسرکاری دورہ کرنے کی دعوت دی
وزیراعظم سے سعودی وزیر سرمایہ کاری،شاہی دیوان کے مشیر کی ملاقات
