وزیراعظم شہباز شریف سے مریم نواز کی پارٹی چیف آرگنائزر بننے کے بعد پہلی ملاقات ہوئی ہے
ملاقات میں پارٹی تنظیم سازی اور مریم نواز کےملک بھر میں جاری ورکرز کنونشنز کے انعقاد پر مشاورت کی گئی ،دونوں رہنماوںنے پارٹی کے ناراض رہنماوں کو منانے کا فیصلہ کیا،شہباز شریف اور مریم نواز نے شاہد خاقان عباسی کے تحفظات دور کرنے کا فیصلہ کیا ہے شہباز شریف نے مریم نواز کو شاہد خاقان عباسی سے جلد ملاقات کی ہدایت کر دی پنجاب اور خیبرپختونخوا کے انتخابات کے معاملے پر بھی تفصیلی گفتگو کی گئی ،
وزیراعظم شہباز شریف کا کہنا تھا کہ انتخابات اپنے مقررہ وقت پر ہونے چاہیئں، بھرپور تیاری کیساتھ انتخابات میں حصہ لیں گے، شہباز شریف اور مریم نواز نے ملک میں جاری مہنگائی کی لہر بارے بھی گفتگو کی
وزیراعظم محمد شہباز شریف سے جمعیت علمائے اسلام (ف) کے سربراہ مولانا فضل الرحمان نے ملاقات کی ہے۔ ملاقات میں ملک کی مجموعی سیاسی صورتحال اور باہمی دلچسپی کے دیگر امور پر بھی تبادلہ خیال کیا گیا ،ملاقات میں دہشت گردی کی تازہ لہر اور ملکی صورتحال پر بھی بات چیت کی گئی،ملاقات میں ضمنی الیکشن بارے بھی مشاورت کی گئی،وزیراعظم شہباز شریف کا کہنا تھا کہ ہم ملکی معیشت کو ٹھیک کرنے کیلئے دن رات کوشش کر رہے ہیں،مہنگائی کی لہر پر جلد قابو پا لیں گے ہم تعمیری سیاست پر یقین رکھتے ہیں، یہ وقت تخریبی سیاست کا نہیں،
باخبر ذرائع کے مطابق مولانا فضل الرحمان نے شہباز شریف سے عمران خان کی مختلف کیسز بارے گفتگو کی اور کہا کہ امید واثق ہے کہ عمران خان جلد نااہل ہو جائیں گے، امن و امان کی صورتحال کو دیکھتے ہوئے الیکشن کمیشن کو انتخابات کی تاریخ دینی چاہیے،
مریم نواز لاہور پہنچنے پر متحرک ہو چکی ہیں، مریم نواز نے ن لیگی رہنماؤں اور کارکنان سے ملاقاتیں کرنا شروع کر دی ہیں،مریم نواز کل پانچ فروری کو ملتان میں پارٹی اجلاس میں شریک ہوں گی، آج مریم نواز کی لاہور میں دیگر ن لیگی رہنماؤں سے ملاقاتیں ہوئی ہیں
مریم نواز سے قائم مقام برطانوی ہائی کمشنر زوئی وئیر کی ملاقات
عمران خان دی بندہ کی عزت کرسکدا اے….فواد چودھری کی آڈیو لیک
پرویز الہی کی مبینہ آڈیو لیک جس میں وہ تحریک انصاف کے رہنما فواد چودھری کو گندی گالیاں دے رہے ہیں
بہاولپور کے شیروں کو سلام پیش کرتی ہوں نوازشریف نے لند ن سے آپ کیلئے سلام بھیجا ہے،
علی امین گنڈاپور اور امتیاز نامی شخص کے مابین آڈیو لیک
