وزیراعظم شہبازشریف کا کلر کہار بس حادثے پر اظہار افسوس

چکوال میں کلرکہار کے قریب بس حادثے کے نتیجے میں 15 افراد جاں بحق اور 60 سے زائد زخمی ہوگئے۔

باغی ٹی وی: موٹروے پولیس کے مطابق بس اسلام آباد سے لاہور جارہی تھی کہ کلرکہار کے قریب حادثے کا شکار ہوئی، بس میں باراتی سوار تھے۔

چکوال: موٹروے سالٹ رینج میں خوفناک حادثہ

ریسکیو ذرائع کے مطابق بس بریک فیل ہونے کے باعث بے قابو ہوکر دوسرے ٹریک پر چڑھ گئی اور دوسرے ٹریک سے آنے والی 3 گاڑیوں سے بھی ٹکرائی ، جاں بحق ہونے والوں میں 6 خواتین بھی شامل ہیں۔

ڈپٹی کمشنر چکوال قرۃ العین ملک کے مطابق حادثے میں 64 افراد زخمی ہوئے ہیں جن میں خواتین اور بچے بھی شامل ہیں واقعے میں زخمی ہونے والوں کو طبی امداد کیلئے اسپتال منتقل کردیاگیا ہے۔

دوسری جانب وزیراعظم شہبازشریف نےکلر کہار بس حادثے پر اظہار افسوس کیا ہے، وزیر اعظم شہباز شریف نے اپنے بیان میں کہا کہ بریک فیل ہونے سے حادثے پر دلی دکھ ہے۔

شہباز شریف نے زخمیوں کو بہترین طبی سہولیات فراہم کرنے کی ہدایت کی جبکہ جاں بحق افراد کی مغفرت اور اہل خانہ کیلئے صبر جمیل کی دعا ہے۔

سیاسی جماعت کے کنونشن میں دوران چیکنگ سابقہ ریکارڈ یافتہ ملزم گرفتار