وزیرِ اعظم محمد شہباز شریف نے پارلیمنٹ ہاؤس میں ارکان اسمبلی سے ملاقات کی ہے
وزیرِ اعظم سے ارکان قومی اسمبلی سیدہ نوشین افتخار، چوہدری محمود بشیر ورک، ناصر اقبال بوصال اور علی جان مزاری نے علیحدہ علیحدہ ملاقات کی ہے،ملاقاتوں میں متعلقہ حلقوں کے امور پر گفتگو کی گئی،ارکان قومی اسمبلی نے عوام دوست بجٹ پیش کرنے پر وزیرِ اعظم کو خراج تحسین پیش کیا. وفاقی وزیر برائے پبلک افیئرز رانا مبشر اقبال، وزیرِ مملکت برائے پاور عبدالرحمن کانجو اور معاون خصوصی طلحہ برکی بھی ملاقاتوں میں موجود تھے.
وزیرِ اعظم محمد شہباز شریف سے وفاقی وزیرِ مواصلات عبدالعلیم خان، وزیرِ مملکت عون ثقلین چوہدری اور رکن قومی اسمبلی منزہ حسن نے پارلیمنٹ ہاؤس میں ملاقات کی ہے،ملاقات میں وزارت مواصلات اور سمندر پار مقیم پاکستانی و ترقی افرادی قوت کے امور پر گفتگو کی گئی، عوام دوست بجٹ پیش کرنے پر وزیرِ اعظم کو خراج تحسین پیش کیا گیا. ملاقات میں ملکی سیاسی صورتحال پر بھی گفتگو ہوئی.
وزیرِ اعظم محمد شہباز شریف سے پاکستان پیپلز پارٹی کے سینیئر رہنما اور رکن قومی اسمبلی سید خورشید شاہ کی ملاقات ہوئی ہے،ملاقات میں موجودہ ملکی سیاسی صورتحال پر گفتگو کی گئی
