وزیراعظم شہباز شریف سے انڈونیشیا کے وزیر دفاع لیفٹیننٹ جنرل (ر) سیافری سمسودین نے ملاقات کی جس میں مختلف شعبوں میں دو طرفہ تعاون کو مزید فروغ دینے پر اتفاق کیا گیا۔
وزیراعظم نے انڈونیشیا کے صدر کیلئے نیک خواہشات کا اظہار کرتے ہوئے کہا کہ پاکستان اور انڈونیشیا کے درمیان مشترکہ ثقافت، مذہب اور تاریخی رشتوں پر مبنی دیرینہ دوستانہ تعلقات ہیں اور دونوں ممالک بین الاقوامی فورمز پر ایک دوسرے کی حمایت کرتے ہیں شہباز شریف نے باہمی فائدہ مند منصوبوں میں سرمایہ کاری کیلئے تعاون کو مزید فروغ دینے پر زور دیا اور دفاعی تعاون کے معاہدے کے تحت جاری اقدامات کا بھی جائزہ لیا۔
انڈونیشین وزیر دفاع نے پاکستان کے ساتھ دفاعی تعلقات کو مزید مضبوط بنانے اور مختلف شعبوں خصوصاً دفاعی پیداوار میں تعاون کے مزید مواقع تلاش کرنے کی خواہش کا اعادہ کیا۔
اداکارہ حمیرا اصغر کے کیس کی تحقیقات میں اہم پیشرفت
وزیرستان، بارشیں،سیلابی ریلے، لینڈ مائنز،دھماکہ خیز مواد کا خطرہ،احتیاط کی ہدایت
شہری نے نجی ایئر لائن کے خلاف درخواست دائر کر دی
