وزیر اعظم سیکرٹری جنرل کے استقبالیہ میں شرکت کیلئے اقوام متحدہ ہیڈ کوارٹرز پہنچ گئے

وزیر اعظم سیکرٹری جنرل کے استقبالیہ میں شرکت کیلئے اقوام متحدہ ہیڈ کوارٹرز پہنچ گئے

وزیر اعظم محمد شہباز شریف اقوام متحدہ کی جنرل اسمبلی کے 77ویں اجلاس میں شرکت کرنے والے سربراہان مملکت و حکومت کے اعزاز میں اقوا م متحدہ کے سیکرٹری جنرل انتونیو گوتریس کی جانب سے دیئے جانے والے استقبالیہ میں شرکت کیلئے اقوام متحدہ کے ہیڈ کوارٹرز پہنچ گئے۔ وزیراعظم آفس کے میڈیا ونگ سے جاری بیان کے مطابق وزیر اعظم محمد شہباز شریف (آج)منگل کو نیو یارک میں مصروف دن گزاریں گے اور اقوام متحدہ کی جنرل اسمبلی کے 77ویں اجلاس میں شرکت کرنے والے سربراہان مملکت و حکومت کے اعزاز میں اقوا م متحدہ کے سیکرٹری جنرل انتونیو گوتریس کی جانب سے دیئے جانے والے ااستقبالیہ میں شرکت کریں گے۔

وزیر اعظم اقوام متحدہ کی جنرل اسمبلی کے 77 ویں اجلاس کے اعلی سطحی مباحثے کے افتتاحی اجلاس میں شریک ہوں گے۔وزیر اعظم فرانس کے صدر ایمنوئل میکرون ، آسٹریا کے فیڈرل چانسلر کارل نیہمر ، سپین کے صدر پیڈرو سنچیز پیریز-کاسٹے جون اور ایران کے صدر سید ابراہیم رئیسی سے الگ الگ ملاقاتیں کریں گے۔سہ پہر میں وزیر اعظم دی ٹائمز سینٹر کا دورہ کریں گے اور نیویارک ٹائمز کے ادارتی بورڈ کے ساتھ انٹرویو میں شریک ہوں گے۔شام کو وزیر اعظم سے امریکہ کے موسمیاتی تبدیلی پر خصوصی نمائندے جان کیری ملاقات کریں گے۔