پاکستان مرکزی مسلم لیگ نے یوم آزادی پاکستان کے موقع پر "متحد قوم،فاتح پاکستان” کے عنوان سے ہفتہ آزادی منانے کا اعلان کر دیا، ہفتہ آزادی کے سلسلہ میں ملک بھر میں تقریبات کا انعقاد کیا جائے گا، مرکزی مسلم لیگ کے مرکزی،صوبائی،ضلعی رہنما تقریبات سے خطاب کریں گے، اس ضمن میں مرکزی مسلم لیگ کے ضلعی و تحصیل سطح تک اراکین کو ہدایات جاری کر دی گئی ہیں
پاکستان مرکزی مسلم لیگ کے ترجمان تابش قیوم کے مطابق مرکزی مسلم لیگ کے زیر اہتمام یوم آزادی کےموقع پر ہفتہ آزادی 7 اگست سے 14 اگست تک منایا جائے گا ،ہفتہ آزادی کے دوران ملک کے تمام چھوٹے بڑے شہروں میں تقریبات ہوں گی،7 اگست سے مرکزی مسلم لیگ کے زیر اہتمام یوم آزادی کے حوالہ سے پینا فلیکسز لگائے جائیں گے، قوم کو متحد کرنے اور جذبہ آزادی بیداری کرنے کے لئے گاڑیوں پر ترانے چلائے جائیں گے،چوکوں ،چوراہوں، اہم مقامات پر آزادی کیمپ لگائے جائیں گے، اسی طرح فلوٹ بھی بڑے و چھوٹے شہروں میں چلائے جائیں گے،مرکزی مسلم لیگ کے زیر اہتمام آزادی فیسیٹول کا انعقاد بھی کیا جائے گاجس میں خواتین، بچوں سمیت تمام شعبہ ہائے زندگی سے تعلق رکھنے والے افراد شریک ہوں گے، یونین کونسل کی سطح پر یوم آزادی کی مناسبت سے ریلیاں نکالی جائیں گی جن میں دیگر سیاسی و مذہبی جماعتوں کے رہنماؤں کو بھی دعوت دی جائے گی،مختلف شہروں میں پرچم کشائی کی تقریبات کے علاوہ یوتھ لیگ کے زیر اہتمام آزادی بائیک ریلیاں بھی ہوں گی،مرکزی مسلم لیگ کے شعبہ جات کسان ونگ،تعلیم، اساتذہ،ملی لیبر،ملی رکشہ یونین، خدمت خلق،خواتین سمیت دیگر کے زیر اہتمام بھی تقریبات کا انعقاد کیا جائے گا،ہفتہ آزادی کے آخری روز 14 اگست کو ملک بھر میں مرکزی مسلم لیگ کے زیر اہتمام ضلعی سطح پر تقریبات ہوں گی جن سے صدر مرکزی مسلم لیگ خالد مسعود سندھو سمیت مرکزی ،صوبائی،ضلعی قیادت خطاب کرے گی.
