پاکستان مرکزی مسلم لیگ کی سیلاب متاثرہ علاقوں میں امدادی سرگرمیاں جاری ہیں، جلالپور پیر والا میں مرکزی مسلم لیگ نےایک اور خیمہ بستی قائم کر دی،قاری محمد یعقوب شیخ نے لودھراں اور بہاولپور میں خیمہ بستی کا دورہ کیا ہے،متاثرین میں کھانے کی تقسیم کے علاوہ ادویات ،بچوں کے لئے دیگر اشیا بھی فراہم کی جا رہی ہیں،مرکزی مسلم لیگ کراچی کی جانب سے سیلاب متاثرین کیلئے سلنڈر کی کھیپ روانہ کر دی گئی. تحصیل لیاقت پور ترنڈا محمد پناہ میں 11ویں مددگار اسکول کا افتتاح کر دیا گیا
پاکستان کے سیلاب متاثرہ علاقوں میں مرکزی مسلم لیگ کے رضاکار متحرک ہیں،خیمہ بستیوں میں متاثرین میں کھانے کی تقسیم کے علاوہ کشتیوں میں کھانا پہنچایا جا رہا ہے،مرکزی مسلم لیگ فیصل آباد کی جانب سے جلال پور پیر والا میں ایک اور خیمہ بستی لگا دی گئی ہے،دونوں خیمہ بستیوں میں ڈھائی سو سے زائد خاندان آباد ہیں ،خیمہ بستیوں میں متاثرین کو تین وقت کا کھانا فراہم کیا جا رہا ہے جبکہ مسجد، اسکول، میڈیکل کیمپ، فیلڈ ہسپتال، کچن اور خصوصی ڈسپوزیبل واش رومز بھی قائم کیے گئے ہیں۔متاثرینِ سیلاب کو بنیادی سہولیات کے ساتھ ساتھ ہر خیمے میں سولر پینل اور سولر پر چلنے والے پنکھے فراہم کیے گئے ہیں،متاثرین کو پانی کے کولر اور چارپائیاں بھی دی گئی ہیں،خصوصی تقریب کے دوران متاثرین کو امدادی سامان باعزت طریقے سے تقسیم کیا گیا۔ تقریب میں صدر وسطی پنجاب، محمد احسن تارڑ سیکرٹری جنرل مرکزی مسلم لیگ فیصل آباد اور چیمبر آف کامرس فیصل آباد کی ٹیم نے خصوصی شرکت کی۔
پاکستان مرکزی مسلم لیگ کےجوائنٹ سیکرٹری قاری محمد یعقوب شیخ، چیئرمین شعبہ خدمت خلق پاکستان چوہدری شفیق الرحمن، صدر پاکستان مرکزی مسلم لیگ گوجرانوالہ ڈویژن شیخ فیاض احمد اور سیکرٹری جنرل سیالکوٹ انجینئر اعجاز نصر نے سیکرٹری جنرل مرکزی مسلم لیگ ضلع لودھراں صفی اللہ کمبوہ کے ہمراہ لودھراں میں قائم خیمہ بستی برائے سیلاب متاثرین کا دورہ کیا۔اس موقع پر سیالکوٹ کی جانب سے خیمہ بستی میں مقیم متاثرہ خاندانوں کے لیے بستر، چارپائیاں، گھریلو ضرورت کی اشیاء اور راشن تقسیم کیا گیا جبکہ ننھے بچوں کو گفٹ پیک بھی پیش کیے گئے،مرکزی مسلم لیگ کراچی کی جانب سے سیلاب متاثرین کیلئے بنیادی ضروریات کی اشیاء پہنچانے کا عمل زورو شور سے جاری ہے۔ اس سلسلے میں سلنڈرز کی بڑی کھیپ روانہ کر دی گئی ہے۔ اس موقع پر مرکزی مسلم لیگ سندھ کے صدر فیصل ندیم نے کہا کہ مرکزی مسلم لیگ سیلاب متاثرین کی بحالی کی کوششوں میں اپنا بھرپور حصہ ڈال کر انہیں عملی زندگی میں واپس لانے کیلئے کوشاں ہیں،مرکزی مسلم لیگ سندھ کی جانب سے جلال پور میں ماڈل خیمہ بستی میں متاثرین کو تمام سہولیات فراہم کی گئی ہیں
لودھراں، عارفوالا،پاکپتن، قصور، سیالکوٹ، اوکاڑہ ،سیت پور، بہاولپور سمیت دیگر شہروں میں مرکزی مسلم لیگ کا سیلاب متاثرین کے لئے ریلیف پروگرام جاری ہے
