پاکستان مرکزی مسلم لیگ کی سیلاب متاثرہ علاقوں میں امدادی سرگرمیاں جاری ہیں،سیلاب متاثرہ علاقوں میں ریسکیو، ریلیف آپریشن کے دورا ن 48 ہزار افراد کو کشتیوں کے ذریعے ریسکیو کیا گیا،10 لاکھ 20 ہزار افراد میں پکی پکائی خوراک تقسیم کی جا چکی ہے،25 ہزار سے زائد خاندانوں میں خشک راشن تقسیم کیا گیا ہے، میڈیکل کیمپوں میں 8 لاکھ 10 ہزار سے زائد مریضوں کا علاج معالجہ کیا جا چکا ہے، موہلنوال ،کنگن پور کی خیمہ بستیوں میں مقیم خاندانوں کو تمام بنیادی سہولیات فراہم کی جا رہی ہیں.
پاکستان مرکزی مسلم لیگ کے صدر خالد مسعود سندھو کی ہدایت پر خدمت خلق کے تحت لاہور،قصور، سیالکوٹ، اوکاڑہ، ملتان، بہاولپور، خانیوال، چنیوٹ، جھنگ،ٹوبہ، ننکانہ،پاکپتن، گجرات، شیخوپورہ،مظفر گڑھ سمیت مختلف اضلاع میں ہزاروں رضاکار سیلاب متاثرین کی خدمت میں مصروف ہیں۔مرکزی مسلم لیگ کے ڈپٹی سیکرٹری جنرل انجینئر حارث ڈار، پنجاب کے صدر محمد سرور چوہدری،مرکزی ترجمان تابش قیوم و دیگر رہنما سیلاب متاثرہ علاقوں میں ریسکیو و ریلیف آپریشن میں مصروف ہیں.خدمت خلق پاکستان مرکزی مسلم لیگ ضلع اوکاڑہ کی جانب سے سیلاب متاثرین میں گزشتہ 24 گھنٹوں میں4300 سے زائد افراد میں کھانا تقسیم کیا گیا، 130 افراد اور 25 جانوروں کو ریسکیو کیا گیا، جبکہ 970 مریضوں کو مفت دوائیں فراہم کی گئیں۔اٹاری منڈی احمد آباد میں خدمت خلق کے کارکنان نے بستی ولی محمد میں پھنسے متاثرین کو ناشتہ پہنچایا، اور 1122 ریسکیو کی کشتی کا پیٹرول ختم ہونے پر انہیں ایندھن بھی فراہم کیا۔ملتان کے متاثرہ علاقوں ستی لنگڑیال، موضع ہمروٹ، اور محمد پور گھوٹہ میں رضاکار کشتیوں کے ذریعے پکا پکایا کھانا متاثرین تک پہنچا رہے ہیں۔ اسی طرح ضلع ٹوبہ میں پیر محل، اڈا بھسی اور دیگر زیرِ آب علاقوں میں کارکنان کشتیوں میں جا کر راشن اور کھانے کی ترسیل کر رہے ہیں۔
ٹھٹی عثمان والا قصور میں دریاۓ ستلج کی تباہ کاریوں سے 800 سے زائد مکانات متاثر ہوئے،مرکزی مسلم لیگ کی جانب سےروزانہ 2000 سے زائد افراد کو کھانا، راشن اور جانوروں کا سائلج فراہم کیا جا رہا ہے۔ گجرات سٹی اور مضافات میں مرکزی مسلم لیگ کے نوجوان گھروں میں جا کر کھانا پہنچا رہے ہیں۔چنیوٹ میں مرکزی مسلم لیگ کے کارکنان رشیدا جھنگ روڈ پر پانی میں پیدل چل کر متاثرہ افراد تک خشک راشن اور پکا کھانا پہنچا رہے ہیں۔ جھنگ میں بھی کشتیوں کے ذریعے کھانے کی تقسیم کا سلسلہ جاری ہے۔خانیوال، پاکپتن، حاصل پور اور بہاولنگر میں مرکزی مسلم لیگ کی جانب سے روزانہ بنیادوں پر فری میڈیکل کیمپس، کھانے کی تقسیم، راشن و گفٹ پیک کی ترسیل جاری ہے۔ دریائے ستلج کے کناروں پر واقع بستیوں چک مہار کلا، درکڑھ فارم، بیلی دلاور تک کھانے، صاف پانی، اور دوائیں پہنچائی جا رہی ہیں۔سیالکوٹ کے علاقے دھرم کوٹ اور کوٹلی داسو سنگھ میں متاثرین کو ایک ماہ کا راشن دیا گیا،پاکستان مرکزی مسلم لیگ سرگودھا کی جانب س 1350 سیلاب سے متاثرہ افراد تک پکا پکایا کھانا پہنچایا گیا۔مرکزی مسلم لیگ سندھ کے صدر فیصل ندیم نے گھوٹکی میں قائم فلڈ ایمرجنسی ریلیف سینٹر کا دورہ کیا، جہاں انہوں نے معززین علاقہ اور متاثرہ شہریوں سے ملاقات کی۔ فیصل ندیم نے اس موقع پر عوام کو ہر ممکن تعاون کی یقین دہانی کرواتے ہوئے کہا کہ مرکزی مسلم لیگ مشکل کی ہر گھڑی میں عوام کے ساتھ کھڑی ہے۔فیصل ندیم نے ذمہ داران کے ہمراہ کچے کے علاقوں کا بھی معائنہ کیا اور ریلیف سرگرمیوں کا جائزہ لیا۔ ان کا کہنا تھا کہ بروقت ایمرجنسی ریلیف سینٹر اور فری کشتی سروس کا آغاز کرکے عوام کی خدمت کا سلسلہ جاری ہے۔
