پاکستان مرکزی مسلم لیگ کے زیر اہتمام بچوں کے لئے سات روزہ اسمارٹ اسکلز کیمپ فار کڈز کامیابی کے ساتھ اختتام پذیر ہو گیا،ملک وقاص سعید کا کہنا تھا کہ اسمارٹ اسکلز کیمپ کا مقصد بچوں میں تخلیقی سوچ، خود اعتمادی، اور سیکھنے کی جدید مہارتیں پیدا کرنا تھا، ایسے کیمپس بچوں کے روشن مستقبل کی بنیاد رکھتے ہیں،مرکزی مسلم لیگ آئندہ بھی اس طرح کی مثبت سرگرمیوں کا انعقاد کرتی رہے گی۔
ان خیالات کا اظہار مرکزی مسلم لیگ شعبہ آئی ٹی کے ہیڈ ملک وقاص سعید نے اسمارٹ اسکلز کیمپ کی آخری کلاس کے موقع پر خطاب کرتے ہوئے کیا،مرکزی مسلم لیگ شعبہ آئی ٹی کے زیر اہتمام7 جولائی تا 14 جولائی، آن لائن کیمپ منعقد کیا گیا جس میں پاکستان بھر سے 9 تا 13 سال کے بچوں نے شرکت کی۔ بچوں نے مختلف جدید ڈیجیٹل اسکلز سیکھیں جو ان کے اعتماد، تخلیقی صلاحیت اور ڈیجیٹل شعور میں اضافہ کریں گی،سات روز کیمپ میں ملک وقاص سعید نےمصنوعی ذہانت اور اینیمیشن ، انایا نےڈی آئی وائی کریئیٹوٹی ، بشریٰ اقبال نےپریشر اور بُلیئنگ ہینڈلنگ ، قرۃ العین نےاسپوکن انگلش ، عائشہ طارق نےآن لائن سیفٹی ، عروبہ سلطان نےماحولیاتی تحفظ ، حفصہ ادریس نےانٹرپرینیورشپ ، خدیجہ نوید نےکینوا ڈیزائننگ پر لیکچر دیئے، کیمپ میں آرٹیفیشل انٹیلی جنس، مشین لرننگ، کینوا ڈیزائن، ای بُک کریئیٹنگ، پوڈکاسٹ بنانا، اسپوکن انگلش، سائبر سیفٹی، انٹرپرینیورشپ، بزنس پلاننگ، اور ماحولیاتی تحفظ پر عملی سرگرمیاں بھی کروائی گئیں، والدین نے کیمپ کے محفوظ، گائیڈڈ اور مثبت تعلیمی ماحول کی تعریف کی،بچوں نے زبردست جوش و خروش کے ساتھ سیکھا اور اپنی تخلیقات پر فخر محسوس کیا۔
مرکزی مسلم لیگ کے آئی ٹی ہیڈ ملک وقاص سعید کا کہنا تھا کہ پاکستان مرکزی مسلم لیگ کا وژن صرف سیاسی میدان تک محدود نہیں ، ہمارا مقصد نئی نسل کو بااخلاق، باصلاحیت اور باشعور شہری بنانا ہے تاکہ وہ خود کو اور ملک کو ترقی کی راہ پر گامزن کر سکیں۔اپنا کماؤ انیشیئیٹو کے تحت ہم نے لاکھوں پاکستانیوں کو مفت ڈیجیٹل، ای کامرس، فری لانسنگ اور آن لائن آمدنی کے کورسز فراہم کیے ہیں، اور پاکستان کو ڈیجیٹل آئی ٹی پارک میں بدلنے کے مشن پر گامزن ہیں۔ اپناکماؤ ٹیم بہت جلد مزید پروگرامز اور کورسز متعارف کرائے گی، نہ صرف بچوں کے لیے بلکہ نوعمروں، یونیورسٹی کے طلبہ اور عام افراد کے لیے بھی۔ ہمارا مقصد ہر گھر تک ہنر پہنچانا ہے تاکہ ہر پاکستانی خود کفیل بنے.
