پوکو کے 2 فلیگ شپ اسمارٹ فونز پاکستان میں فروخت کے لیے پیش

شیاؤمی کی ذیلی کمپنی پوکو کے 2 فلیگ شپ فیچرز سے پر مشتمل سستے فونز پاکستان میں فروخت کے لیے پیش کردیئے گئے ہیں۔

باغی ٹی وی :مذکورہ فونز مارچ میں دیگر ممالک میں متعارف کرائے گئے تھے اور اب انہیں پاکستان میں فروخت کے لئے پیش کیا گیا ہے-

پوکو ایکس 3 پرو دیکھنے میں گزشتہ سال کے پوکو ایکس 3 جیسا ہے جس میں بیک پر کیمرے اور ایل ای ڈی کو ایکس فارمیشن میں دیا گیا ہے۔

ایکس 3 کے مقابلے میں ایکس 3 پرو میں سب سے بڑی تبدیلی نئے پراسیسر اسنیپ ڈراگون 860 کی ہے جو اوکٹا کور سی پی یو اور ایڈرینو 640 جی پی یو سے لیس ہے-

فون کے فرنٹ پر پنچ ہول ڈیزائن میں 20 میگا پکسل کیمرا چھپا ہوا ہے جبکہ فون کے بیک پر 4 کیمروں کا سیٹ اپ موجود ہے جس میں مین کیمرا 48 میگا پکسل کا ہےاس کے ساتھ 8 میگا پکسل الٹرا وائیڈ، 2 میگا پکسل میکرو اور 2 میگا پکسل ڈیہتھ سنسنگ کیمرے موجود ہیں۔

فوٹو بشکریہ پوکو
فون میں 6.67 انچ کا ایل سی ڈی ڈسپلے فل ایچ ڈی پلس ریزولوش کے ساتھ دیا ہے جس میں 120 ہرٹز ریفریش ریٹ اور 240 ہرٹز ٹچ سیمپلنگ ریٹ سپورٹ موجود ہے۔

پوکو ایکس 3 پرو میں اینڈرائیڈ 11 کا امتزاج ایم آئی یو آئی 12 سے کیا گیا ہے جبکہ 6 سے 8 جی بی ریم اور 128 سے 256 جی بی اسٹوریج کے آپشنز موجود ہیں۔

فوٹو بشکریہ پوکو
یہ فون 5160 ایم اے ایچ بیٹری سے لیس ہے جس کے ساتھ لیکوئیڈ کول ٹیکنالوجی 1.0 پلس ٹیکنالوجی دی گئی ہے جو 33 واٹ فاسٹ چارجنگ سپورٹ فراہم کرتی ہے-

یہ فون 3 رنگوں میں دستیاب ہوگا جس کا 6 جی بی ریم اور 128 جی بی اسٹوریج والے ماڈل کی قیمت 39 ہزار 999 روپے جبکہ 8 جی بی ریم اور 256 جی بی اسٹوریج والا فون 47 ہزار 999 روپے میں دستیاب ہوگا۔

پوکو ایف 3 فون پاکستان میں اپریل کے دوسرے ہفتے میں لوگوں کو دستیاب ہوگا۔

پوکو ایف 3 شیاؤمی ریڈمی کے 40 سے ملتا جلتا ہے اور اس میں 6.67 انچ کا امولیڈ ڈسپلے فل ایچ ڈی ڈسپلے اور 120 ہرٹز ریفریش ریٹ سپورٹ فراہم کرتا ہے۔

فوٹو بشکریہ پوجو
جبکہ پوکو ایف3 میں اسنیپ ڈراگون 870 پراسیسر موجود ہے جس میں سی پی یو پرائم کور 3.2 گیگاہرٹز ہے جبکہ ایل پی ڈی ڈی آر 5 ریم اور یو ایف ایف 3.1 اسٹوریج دی گئی ہے۔

فون کے بیک پر 3 کیمروں کا سیٹ اپ موجود ہے جس میں مین کیمرا 48 میگا پکسل کا ہے جس کے ساتھ 8 میگا پکسل الٹرا وائیڈ اور 5 میگا پکسل میکرو کیمرے بھی موجود ہیں فون کے فرنٹ پر 20 میگا پکسل کیمرا پنچ ہول ڈیزائن میں دیا گیا ہے۔

فوٹو بشکریہ پوکو
فون میں ایکس۔ ایکسز وائبریشن موٹر اور ڈولبی ایٹموس ڈوئل اسپیکرز بھی موجود ہیں جبکہ 6 سے 8 جی بی ریم اور 128 سے 256 جی بی اسٹوریج کے آپشن فون میں دیئے گئے ہیں جبکہ 4520 ایم اے ایچ بیٹری 33 واٹ فاسٹ چارجنگ سپورٹ کے ساتھ ہے۔

فون کا بیسک ورژن 55 ہزار 999 روپے جبکہ ہائی اینڈ ماڈل 65 ہزار 999 روپے میں دستیاب ہوگا۔