پولینڈ کے ایک گاؤں میں چھوٹا طیارہ ہینگر سے ٹکرا کر تباہ ہوگیا جس کے نتیجے میں پائلٹ سمیت 5 افراد ہلاک اور مجموعی طور پر 15 افراد زخمی ہوگئے۔
باغی ٹی وی: برطانوی خبر رساں ادارے”بی بی سی ” کے مطابق یہ واقعہ وارسا کے قریب ایک گاؤں میں پیش آیا جہاں ایک چھوٹا طیارہ سیسنا ہینگر سے ٹکرا گیا پولینڈ کی انتظامیہ کی جانب سے بتایا گیا ہے کہ اس حادثے میں جہاز کے پائلٹ سمیت 5 افراد ہلاک ہوئے جب کہ 15 افراد زخمی بھی ہوئے ہیں-
پولیس کے مطابق حادثے کے زخمیوں میں شامل 8 افراد نے موسم کی خرابی کی وجہ سے ہینگر میں پناہ اختیار کی ہوئی تھی، حادثے سے متعلق فائر بریگیڈ کا کہنا ہے کہ جہاز کے تباہ ہونے کی وجہ موسم کی خرابی ہوسکتی ہے واقعے کی اطلاع ملتے ہی 4 ہیلی کاپٹر اور 10 ایمبولینسزکو کرسنو گاؤں میں واقع جائے وقوعہ پربھیج دیا گیا تھایہ گاؤں دارالحکومت وارسا سے 47 کلومیٹر (29 میل) دور ہےاس دوران طیارے کے3 مسافروں کو ریسکیو کیا گیا ہے، پولیس نے واقعے کی تحقیقات بھی شروع کردی ہیں۔
ٹائی ٹینک سے 5 گنا زیادہ بڑا بحری جہاز "دی آئیکون”
پولش میڈیا نے حادثے کا شکار ہونے والے طیارے کی شناخت سیسنا 208 کے طور پر کی ہے مقامی فائر ڈپارٹمنٹ نے تصدیق کی کہ یہ واقعہ کرسینو کے ایک ہوائی اڈے پر پیش آیا اور فیس بک پر ایک تصویر پوسٹ کی جس میں طیارے کی دم ہینگر سے چپکی ہوئی دکھائی دے رہی ہے۔
