خواتین پر تشدد کے واقعات کا سدباب کرتے ہوئے پولیس نے ایک اور فوری کارروائی کی۔ اے ایس پی ڈیفنس شہر بانو نقوی کی ہدایت پر چوکی نادر آباد پولیس نے ایک خاتون پر تشدد کرنےوالے ملزم کو فوری طور پر گرفتار کر لیا۔
15 کی کال پر پولیس نے فوری ریسپانس دیتے ہوئے ملزم خاور کو گرفتار کیا۔ ملزم کے خلاف مقدمہ درج کر لیا گیا ہے، اور ویڈیو میں ملزم کو خاتون پرتشدد کرتے دیکھا جا سکتا ہے۔شہر بانو نقوی نے اس کارروائی پر پولیس ٹیم کی تعریف کرتے ہوئے کہا کہ خواتین کے ساتھ کسی بھی قسم کے تشدد یا ہراسانی کو برداشت نہیں کیا جائے گا۔ انہوں نے کہا کہ "خواتین پر اٹھنے والا ہر ہاتھ ہتھکڑیوں میں پہنے گا، اور اس کے خلاف سخت کارروائی کی جائے گی۔”
ایس پی کینٹ اویس شفیق نے کہا کہ خواتین پر تشدد اور ہراساں کرنے والے عناصر کو کیفر کردار تک پہنچایا جائے گا۔ انہوں نے ایس پی کینٹ کی چوکی انچارج نادر آباد نعیم سلطان اور ان کی ٹیم کی تعریف کی، جنہوں نے ملزم کو گرفتار کر کے قانون کے کٹہرے میں کھڑا کیا۔یہ کارروائی ایک اور اہم پیغام دیتی ہے کہ پولیس کسی بھی قسم کے تشدد یا زیادتی کے خلاف فوری اور سخت کارروائی کرے گی، اور متاثرہ خواتین کے حقوق کا تحفظ یقینی بنائے گی۔
