سیالکوٹ: عید کے موقع پر شراب و منشیات فروشوں کے خلاف پولیس کی کارروائیاں، 28 گرفتار

سیالکوٹ،باغی ٹی وی (شاہد ریاض سٹی رپورٹر) عید کے موقع پر شراب و منشیات فروشوں کے خلاف پولیس کی کارروائیاں، 28 گرفتارشراب کی چالو بھٹیاں اور منشیات کی بڑی کھیپ برآمد-
تفصیلات کے مطابق ڈی پی او سیالکوٹ محمد حسن اقبال کی ہدایت پر سیالکوٹ پولیس نے موت کے سوداگر منشیات فروشوں کے خلاف بڑے پیمانے پر کارروائیوں کا سلسلہ جاری رکھا ہوا ہے،اس سلسلہ میں ضلع بھر کے ایس ایچ اوز نے اپنی ٹیموں کے ہمراہ ہیومن انٹیلی جنس بیسڈ آپریشن کے دوران مجموعی طور پر 1293 لیٹر شراب، کچی شراب کے ڈرم، گیلن اور شراب کی بوتلیں، چالو بھٹیاں معہ شراب کشیدہ سامان اور 10 کلو 840 گرام چرس برآمد کر کے 28 ملزمان کو گرفتار کر لیا، ملزمان نے عید پر بڑے پیمانے پر شراب و منشیات کی سپلائی کرنا تھی۔
ڈی پی او سیالکوٹ محمد حسن اقبال نے کہا ہے کہ ضلع بھر سے منشیات کی لعنت کا جڑ سے خاتمے تک سیالکوٹ پولیس کا کریک ڈاؤن جاری رہے گا.
ڈی پی او سیالکوٹ محمد حسن اقبال نے کاروائی میں شامل پولیس ٹیم کے لیے تعریفی سرٹیفکیٹس اور نقد انعام کا اعلان کیا ہے